Fuents d'Ebro

De Biquipedia
Ir ta: navego, busca
Fuents d'Ebro
Municipio d'Aragón
Bandera Escudo d'armas
Ilesia de Sant Miguel
Ilesia de Sant Miguel.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Comarca de Zaragoza
Superficie 141,73 km²
Población
 • Total

4,416 hab. (2008)
Altaria 196 m.
Distancia
 • 26 km

enta Zaragoza
Codigo postal 50740
Coordenatas 41°30’43’’N 0°37’40’’U
Fuents d'Ebro en Aragón
Fuents d'Ebro
Fuents d'Ebro
Situación d'Fuents d'Ebro en Aragón
www.FuentesDeEbro.es

Fuents d'Ebro (Fuentes de Ebro en castellán) ye una villa y municipio aragonés d'a provincia de Zaragoza, situato en a comarca de Zaragoza.

A suya población ye de 4.416 habitants (2008), en una superficie de 141,73 km², con una densidat de población de 31,16 hab/km².

Cheografía[editar | editar código]

A localidat de Fuents d'Ebro ye situata a 196 metros d'altaria sobre o ran d'a mar, en un plan (o Plan(o) de Fuentes d'os textos medievals) y una costera en a muga entre materials terciarios y quaternarios d'o río Ebro, un poquet luent de l'Ebro, a o canto de l'afluyent río Chinel. En a suya huerta se cautiva la famosa Cebolla dulza de Fuents.

Fuents d'Ebro se troba a una distancia de 26 km d'a ciudat de Zaragoza, a capital d'a suya comarca, d'a suya provincia y d'Aragón.

Mugas[editar | editar código]

O suyo termin muga con Mediana d'Aragón, Zaragoza, Lo Burgo d'Ebro, Villafranca d'Ebro, Osera d'Ebro, Pina d'Ebro, Quinto y Belchit.

Toponimia[editar | editar código]

S'ha quiesto identificar, con duda Fuentes d'Ebro con a Funtux d'Al Udrí, un d'os iqulims de Zaragoza con un río dito tamién Funtux, que riega 20 millas dende Balad Nuwaba dica l'Ebro. Talment este río siga l'actual Río Ginel.

En os textos escritos en aragonés medieval s'escribe Fuentes, pero pa diferenciar-lo d'atros lugars homonimos a veces especifican que ye en la ribera de l'Ebro:

Item, atendient e considerant que los hombres e conçello e universidat del lugar de Fuentes de la ribera del rio de Ebro fazen a mi de çens perpetuo cada un annyo seyscientos sueldos dineros jaqueses...[1]

O río Ginel tien una radiz que recuerda l'apellito chodigo orichinario d'Íxar Chiniello u l'antroponimo Giniel.

En os textos medievals trobamos referencias a lo Plan de Fuentes[2][3] u Plano de Fuentes, a segunda variant encara se fa servir. Bi ha chacimientos arqueolochicos que, conoixitos por o microtoponimo d'a partita a on son, tienen nombre aragonés: Varella de las Penyas, La Corona, La Bardina, Morretón, Ginestar, Fandega, El Forado, Val Tornera, Val de la Corona, Fallanás (< ¿ Fanyanars ?), ecetra.[4] Bi ha un barranco afluent d'o río Chinel famoso por a fuerza y extensión de l'augua quan pleve, dito La Balloca (< ¿ Val Loca ?).

Molimentos[editar | editar código]

  • Ilesia de Sant Miguel de Fuentes, una ilesia en estilo barroco, obra d'un arquitecto francés.

Demografía[editar | editar código]

Evolución demografica
1362 f 1495 f 1842 1857 1860 1877 1887 1897 1900
- - 1.446 2.072 2.090 2.302 2.156 2.183 2.203
1910 1920 1930 1940 1950 1960 1970 1981 1991
2.525 2.781 2.692 2.384 3.013 3.420 3.534 3.565 3.758
1992 1994 1996 1997 1998 1999 2000 2001 2002
- - 3.763 - 3.771 3.834 3.848 3.934 3.993
2003 2004 2005 2006 2007 2008 2009 2010 2011
4.015 4.085 4.086 4.002 4.134 4.416 - - -
2012 2013 2014 2015 2016 2017 2018 2019 -
- - - - - - - - -
 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Dende o censo de 1981, encorpora a localidat de Rodén.

Administración[editar | editar código]

Reparto de concellers[editar | editar código]

Eleccions municipals[5][6]
Partito 1979 1983 1987 1991 1995 1999 2003 2007 2011
Partido de los Socialistas de Aragón 6 7 7 7 5 5 6 7 6
Partido Popular - - 2 - 4 5 4 3 4
Partido Aragonés - 4 2 4 1 1 1 1 1
Izquierda Unida - - - - 1 - - - -
Unión de Centro Democrático 5 - - - - - - - -
Total 11 11 11 11 11 11 11 11 11

Alcaldes[editar | editar código]

Lista d'alcaldes
Lechislatura Nombre Partito politico
19791983
19831987
19871991
19911995
19951999
19992003
20032007
20072011 María Pilar Palacín Miguel Partido de los Socialistas de Aragón
20112015 María Pilar Palacín Miguel Partido de los Socialistas de Aragón

Esportes[editar | editar código]

Fiestas[editar | editar código]

Referencias[editar | editar código]

  1. (es) Ana del Campo Gutiérrez : El Libro de Testamentos de 1384-1407 del notario Vicente de Rodilla: una introducción a los documentos medievales de últimas voluntades de Zaragoza. Institución "Fernando el Católico,", 2011.
  2. Encarnación Marín Padilla Panorama de la relación judeoconversa aragonesa en el siglo XV: con particular examen de Zaragoza. E.C. Marín Padilla, 2004 [1]
  3. Tomás Domingo Pérez, Maria Rosa Gutiérrez Iglesias CONFRAYRIA DE SANT SPIRIT ET DE STA. MARIA DE LA SANCTA SIED DE S. SALVADOR [2]
  4. Antonio Ferreruela Gonzalvo. Prospecciones arqueológicas realizadas en los términos municipales de El Burgo de Ebro, Fuentes de Ebro y Zaragoza. Años 1995-2000: Memoria de las actuaciones. Saldvie II 2001-2002
  5. Datos Eleccions MIR
  6. http://portal.aragob.es/archelec/index.jsp

Vinclos externos[editar | editar código]

Plantilla:Lugars de Fuents d'Ebro

 
Municipios d'a comarca de Zaragoza
Alfacharín | Botorrita | Lo Burgo d'Ebro | Cadret | Exaulín | Fuents d'Ebro | María de la Uerva | Mediana d'Aragón | Mozota | Nuez d'Ebro | Osera d'Ebro | Pastriz | Puebla d'Alfindén | Quart de la Uerva | Sant Mateu de Galligo | Utevo | Villafranca d'Ebro | Villamayor de Galligo | Villanueva de Galligo | Zaragoza | Zuera