Frederico II d'o Sacro Imperio Román Chermanico

De Biquipedia
Ir ta: navego, busca
Iste articlo ye sobre un emperador d'o Sacro Imperio Román Chermanico; ta atros usos, se veiga Frederico II.
Frederico II
Emperador d'o Sacro Imperio
Frederick II and eagle.jpg

1220-1250
Predecesor Otón IV
Succesor Henrique VII

Naixencia 26 d'aviento de 1194
Jesi, Italia
Muerte 13 d'aviento de 1250
Pulla, Italia
Pai Henrique VI
Mai Gostanza I de Secilia

Frederico II de Hohenstaufen ye naixito de Jesi (cerca d'Ancona, Italia) o 26 d'aviento de 1194 y morió o 13 d'aviento de 1250 en Castel Fiorentino (Pulla, Italia). Estió emperador d'o Sacro Imperio Román-Chermanico y rei de Secilia, Chipre y Cherusalem.

Estió nieto de Frederico I Barbarroya y fillo de Gostanza I de Secilia. Teneba un intrés en a sciencia y a cultura poco comuns entre os monarcas d'os suyos tiempos. Teneba fama d'excentrico y crebaba de contino con os costumbres d'a suya epoca, por o que tenió a embotata de stupor mundi. Teneba muito poder en Italia, y topetaba con os intreses d'o papato. A propaganda papal feba d'el l'anticristo.

Infancia[editar | editar código]

Quan morió a suya madre, Frederico fue coronato rei de Secilia o 17 de mayo de 1198. A suya vida periglaba por tener dreitos imperials, y a suya madre nombró en o suyo testamento a lo Papato como tutor d'o nino. O papa Inocencio III s'encargó d'a suya tutela dica que estió mayor d'edat, y lo indució a casar-se en 1209 con Gostanza d'Aragón, vidua d'o rei Emerico d'Hongría.

Frederico en fuents aragonesas[editar | editar código]

En a Cronica de Sant Chuan d'a Penya en fan mención:

Aquesti valient rey Don Pedro, casó todas sus hermanas. Porque la primera que hauía nombre Gostança, dió por muller a Fredrico Rey de Sicilia, el qual fue entra de poco tiempo emperador de Alemanya, et procreó della, un fillo clamado Enrich; aquesti murió en Palermo. El qual Enrrich quando fué grant, huuo por muller la filla del Duch Daustria. Et por tal como aquesti Enrich se levantó contra su padre el emperador Fradrico, segun se decia, estuuo preso por mandamiento de su padre en cárcel, en la qual murió sin fillos

En o "Libro d'el Trasoro" mencionan a Frederico II en o capítol 92 ("Commo el jnperio de Roma torno a los alemanas") y en o capítol dedicato a lo elefant porque en trayó un ta Cremona.

E asi dizen los crimoneos que el .ij. enperador Fedric ne aduxo vno en Crimonja
De yuo depues doze alamanes entro al segundo Fredrich, que coronado fue por la mano de Onorat, papa, lanyo de la jncarnacion .Mccxx. E sabet que ante deste Onorat ouo .lxxij. apostolicos, de qui el conto faula, a la fin de los lonbardos.
Aquel Fadrich regno cerca .xxx.ª anyos -que el no muryo- ya sia esto que por las guerras e persecuciones que el fizo a la Santa Eglesia el fue scomulgado por sanya del apostolico que la ora era.


Predecesor:
Henrique IV
Rei Titular de Romans
1196-1198
Succesor:
Felipe de Suabia
Predecesor:
Otón IV
Rei de Romans
1215-1220
Succesor:
Enrique VII
Predecesor:
Otón IV
Emperador d'o Sacro Imperio Román-Chermanico
1220-1250
Succesor:
Henrique VII
Predecesor:
Gostanza I
Rei de Secilia
1198-1250
Succesor:
Conrado
Predecesor:
Yolanda
Rei de Cherusalem
1225-1228
Succesor:
Conrado II
Predecesor:
Otón IV
Duque de Suabia
1212-1216
Succesor:
Henrique II