Franklin Delano Roosevelt

Franklin Delano Roosevelt

President d'os Estatos Unitos
Duración d'o mandato:	4 de marzo de 1933 – 12 d'abril de 1945
Predecesor:	Herbert Hoover
Succesor:	Harry S. Truman
Naiximiento:	30 de chinero de 1882 Hyde Park, Nueva York, EE. UU.
Muerte:	12 d'abril de 1945 Warm Springs, Cheorchia, EE. UU.
Partito politico:	Partito Democrata

Franklin Delano Roosevelt, naixito o 30 de chinero de 1882 en Hyde Park (Nueva York) y muerto o 12 d'abril de 1945 en Warm Springs (Cheorchia), estió un politico estatounitense, que estió o 32º President d'os Estatos Unitos, dende o 4 de marzo de 1933 dica la suya muerte o 12 d'abril de 1945. Tamién estió o 44º Gubernador de Nueva York dende o 1 de chinero de 1929 dica o 31 d'aviento de 1932.

Roosevelt plegó a la Presidencia d'Estatos Unitos en esclatar a Gran Depresión, con un conchunto de mesuras ta rendrezar a Economía d'os Estatos Unitos, basatas en o dito New Deal, y que premitió a recuperación economica d'o país antes de prencipiar a Segunda Guerra Mundial. Estió o unico president que ganó quatre eleccions a la Presidencia, y dimpués d'a suya muerte se cambioron as normas ta fer que garra president pueda estar reesleito mas d'una vez, con un total de dos mandatos presidencials.

Antiparte, Franklin Delano Roosevelt yera o president mientres a Segunda Guerra Mundial, encara que murió antis de rematar a guerra estando sustituito por o suyo vicepresident Harry S. Truman, y as suyas decisions estioron muit importants ta marcar o rumbo d'o país dica dimpués d'a suya muerte. Se considera por bells autors d'ideyolochía conservadora que a suya malautía fació que en os zaguers tiempos d'o suyo mandato Stalin se'n aprofitase ta tener bells privilechios ta la Unión Sobietica, contra a opinión d'o primer menistro d'o Reino Unito, Winston Churchill, muito menos partidario de ceder ante Stalin.

Vinclos externos

• Se veigan as imáchens de Commons sobre Franklin Delano Roosevelt.

Predecesor: {{{predezesor}}}	President d'Estatos Unitos 1933-1945	Succesor: {{{suzesor}}}
Predecesor: {{{predezesor}}}	Gubernador de Nueva York 1929-1932	Succesor: {{{suzesor}}}