Francisco Bayeu

De Biquipedia
Ir ta: navego, busca
Francisco Bayeu
Retrato de Francisco Bayeu, quadro de Francisco de Goya y Lucientes.
Retrato de Francisco Bayeu, quadro de Francisco de Goya y Lucientes.
Información personal
Calendata de naixencia: 9 de marzo de 1734
Puesto de naixencia: Flag of Aragon.svg Zaragoza (Aragón)
Calendata de muerte: 4 d'agosto de 1795
Puesto de muerte: Estandarte de la Corona de Castilla.png Madrit (Castiella)
Ocupación: Pintor

Francisco Bayeu y Subías, naixito de Zaragoza o 9 de marzo de 1734 y muerto en Madrit o 4 d'agosto de 1795, estió un pintor aragonés, miembro d'una conoixita familia d'artistas, con os suyos chirmans Ramón y Manuel.

A suya vida[editar | editar código]

Naixito de Zaragoza, Francisco Bayeu estudeó con l'aragonés José Luzán y con o madrilenyo Antonio González Velázquez, y en 1758 recibió un premio d'a Real Academia de Bellas Artes de San Fernando, y pintó ta ilesias y conventos en a ciudat de Zaragoza, como en a Cartuixa d'Aula Dei.

En 1763, fue clamato por Anton Raphael Mengs enta Madrit ta colaborar en a decoración d'o Palacio Reyal de Madrit. Como protechito de Mengs, estió l'artista más influyent de Madrit en ixas envueltas. En 1767 ye nombrato pintor d'a corte d'o rei Carlos III d'Espanya.

Chunto a o suyo chirmán Ramón y baixo a dirección de Mengs, fació cartons ta la Reyal Fabrica de Tapices de Santa Barbara. Muitos d'istos tapices se feban con destín enta os palacios reyals, y hue bi n'ha beluns feitos con debuixos de Bayeu en o Salón de Consejos d'o Palacio d'El Pardo de Madrit, entre atros.

Bayeu estió tamién o protector d'os suyo paisán Goya, y estió qui lo metió en a Corte d'o reino. Goya casó dimpués con la chirmana de Francisco, Josefa Bayeu, en 1773.

Francisco Bayeu pintó decoracions ta bellos palacios reyals, a sobén con alegorías: Palacio Real de Madrit, Palacio d'Aranjuez, Palacio d'El Pardo, Palacio de La Granja de San Ildefonso. Tamién pintó ta quantas ilesias: Colechiata de Sant Ildefonso, Convento d'a Encarnación (Madrit), Basilica d'o Pilar (Zaragoza), claustro d'a Seu de Toledo.

En 1783 fue nombrato Director de pinturas ta la Reyal Fabrica de Tapices de Santa Barbara y, en 1788, Director de l'Academia d'Artes Polidas. Adedicó as suyas zagueras anyadas a o retrato y morió en Madrit en 1795.

A Sagrada Familia, quadro de Bayeu.

A suya obra[editar | editar código]

A suya obra estió a sobén de tematica relichiosa u historica, con influencias d'o barroco italián; sindembargo, dende o suyo contacto con Mengs, derivó enta o neoclasicismo.

Pintura relichiosa[editar | editar código]

Frescos murals[editar | editar código]

Retratos[editar | editar código]

Vinclos externos[editar | editar código]