Formachera

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Formacheras.

Una formachera ye un molde que se fa servir ta elaborar o queso. As formacheras son por un regular redondas y tienen foratos en o fondo y en as parez ta permitir o drenache d'os sieros que deixa o queso cuan se fa.

O material de que se fan as formacheras ye prou variable, ya que se pueden trobar belunas feitas d'archila cueta, metalicas (d'acero galvanizato u fuella de lata), plastico, fusta u vimbre. En toz os casos siempre tienen a-saber-los foratos. As formas tamién pueden variar estando cuadratas, redondas u celindricas.

Historia

Formachera de ceramica d'a Edat de Bronce. Museu Soler Blasco de Xàbia

S'han trobau formacheras feitas de vimbre con una antigüedat de mas de 12.000 anyos. As formachera d'atros materials como a ceramica apareixen dimpués, en o neolitico. En o museu d'arqueolochía de Lons-le-Saunier se conserva por eixemplo una formachera que data d'entre os anyos 2700-2600 a.C..

Emplego

A formachera se fa servir en a fase final d'a extracción d'o siero ta elaborar o queso. Con iste utensilio se consigue a realización de dos operacions, d'una man quitar o siero y d'atra dar-le a o queso a suya forma final. Asinas se mete a cuallada en a formachera que tendrá diferent forma y volumen seguntes o tipo de queso que se quiera obtener.

Cada queso tien a suya forma caracteristica que ye por un regular a suya tarcheta de presentación. A forma d'o queso influye amás en o proceso de maduración que se producirá dimpués. Una vegata que os quesos se troban en a formachera s'escorren, en o caso d'os quesos frescos u as cualladas acidas, u bien se prensan, en o caso d'os quesos maduratos de coagulación enzimatica, mas u menos intensament seguntes o tipo de queso.

Se veiga tamién

• Queso
• Formachería