Fierro de paúl

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Limonita formada como fierro de paúl.

O fierro de paúl ye un sedimento de fierro propio d'as paúls y estanyos de latituz altas y representa o solo medio actual a on se pueden formar acumulacions significativas de fierro. Consiste en precipitatos amorfos con estructuras ooliticas, pisoliticas, concrecions u masas terrosas a on predomina a goethita, y en menos mesura siderita, a vegatas tamién vivianita. A sobén bi ha tamién cantidaz variables d'oxidos de manganés (1%-40 %).

Estos precipitatos quimicos se forman cuan as auguas freaticas acidas penetran en estanyos oxichenaus y paúls, a puyada d'o pH y eH fa que o fierro ferroso precipite como hidroxido ferrico.

En a Edat de Fierro europea s'espleitaba este tipo de chacimientos, y en o "Kalevala" se diz que os lenyadors trobaban o fierro seguindo as pisadas d'os lupos en as paúls.