Ficus carica

De Biquipedia
Ir ta: navego, busca
Ficus carica
Ficus carica habitus 2009December07 DehesaBoyaldePuertollano.jpg
Figuera.
Denominacions populars
Figuera
Estato de conservación
Status iucn2.3 LC.svg
Seguro (IUCN)
Clasificación scientifica
Dominio:
Eukaryota
Reino:
Plantae
División:
Magnoliophyta
Clase:
Magnoliopsida
Orden:
Rosales
Familia:
Moraceae
Subfamilia:
Ficeae
Chenero:
Ficus
Subchenero:
Ficus
Especie:
F. carica
Descripción
Ficus carica
L., 1758

A figuera (d'o latin <FICARIA[1]; scientificament Ficus carica (L., 1758)) ye una especie d'árbol fruitero caducifolio d'a familia d'as moracias, en o chenero Ficus, orichinaria d'o subcontinent Indio y introducida en a Europa mediterrania y o norte d'Africa dende l'Antiguedat.

Descripción[editar | editar código]

A figuera ye un árbol chicorrón, no guaire alto, a sobén con port arbustivo mas que no arborio. Tiene a corona más ampla que alta, con ramas firmes, gruesas, que se dicotomizan dica formar brancas muit gruesas tamién, anque a madera tiene una microestructura esponchosa que fa que resulte levera y muit tova.

As follas creixen distanciadas as unas d'as atras. Son muit grans (dica 30 cm de lonchitut) y profundament lobuladas, con 3 u 5 lobulos. A nervadura ye muit marcada por a reversa. A crosta ye grisa.

A vena ye muit larga y tortuosa, con un creiximiento que puede gosar superar a o d'as partes aerias d'a planta. Puede creixer invasivament sobre a penya u sobre muros, malmetendo a la larga as estructuras construidas por l'hombre si gosa enradigar-se-ie.

Ye una especie muit adaptadera, sin guaires requerimientos de suelo, que suporta con facilidat a sequera y as altas temperaturas.

Fruita[editar | editar código]

A fruita d'a figuera ye a figa. A figa ye una infructescencia (por o que no ye un verdader fruito) plena de drupas, derivada evolutivament de as polidrupas caracteristicas d'a familia Moraceae (as moras), pero que s'ha invertiu tot deixando as drupas individuals en o interior d'una cambra que no s'obre a l'exterior sique por un estoma chiquinín en o polo apical.

Se veiga tamién[editar | editar código]

Referencias[editar | editar código]

  1. (es) ELCOCK, William Dennis, Algunas afinidades fonéticas entre el aragonés y el bearnés (traducción de l'orichinal de 1938); Xordica Editorial. Zaragoza, 2005. ISBN 978-84-96457-09-5

Vinclos externos[editar | editar código]