Festival Pirineos Sur
| Festival Pirineos Sur | |
|---|---|
 Scenario flotant d'o Pirineos Sur |
|
| Información cheneral | |
| Localización | Lanuza (Uesca) |
| Calendata | D'o 9 a lo 26 de chulio (2009) |
| Encluye | Tallers, Mercato d'o Mundo, Pasavilla, ecetra. |
| Organizador | Deputación Provincial de Uesca |
| Pachina web | http://www.pirineos-sur.es |
Pirineos Sur ye un festival mosical y cultural que se organiza anyalment en a localidat de Lanuza, en Uesca. Mientres as dos semanas se realizan diferents conciertos asinas como exposicions, tallers, mercatos y pasavilla.
Contenius |
[editar] Situación
O Festival se troba en a localidat tensina de Lanuza, a poquetz kilometros de Sallent de Galligo. O scenario flotant ye situato en o entibo de Lanuza y as gradas se troban en a ladera d'a montanya. Tot o enclau ye rodiato por Os Pireneus lo que fa que sía muit polito.
[editar] O Festival
O prencipal obchectivo d'o Festibal ye creyar vinclos de toleracia y comprensión entre as diferents culturas. D'a mesma traza, ye un gran atractivo toristico ta la zona. L'afluencia anyal gosa variar, en 2007 s'amanoron a lo festival más de 50.000 presonas a lo largo d'as más de dos semanas de durada que'n tien.
Os estilos mosicals varían dende flamenco, hip hop, salsa u folk dica percusión africana, reggae y jazz. Por o scenario han pasato artistas importants internacionalment como Carlinhos Brown, Compay Segundo, Orishas y Alpha Blondy. Igual de important ye l'afluencia d'artista de tot o estato espanyol: Antonio Carmona, José Mercé, Carmen París, Ojos de Brujo, Macaco u Paco de Lucía.
[editar] Actividatz Paralelas
En Sallent de Galligo, localidat vecina y capital d'o municipio, se fan totz os días una serie de actividatz paralelas a los conciertos. Mientres tot o festival se fa o Mercato d'o Mundo, una serie de botigas a on que se puede fer una gambada. Se i pueden trobar tot tipo d'articlos de caracter etnico. Son muit populars os vestitos sudamericans y tamién os diferents obchectos decorativos y feguras africanas. Tamién bi ha quantos puestos con tabiernas a on que se puede minchar comida local y d'atros puestos d'o mundo. A diario se fan diversos tallers en as carreras, entre os que se troban dende danzas tribals dica acrobacias aerias. O pasavilla anima as carreras de Sallent con diferents espectaclos funambulescos y chicotz teatros. Ta os más chicorrons se i fan actividatz especials que encluyen teatros, cuentacuentos y chuegos infantils.
[editar] Edicions
- 1994: Africa Negra
- 1995: O Mediterranio
- 1996: O Caribe
- 1997: A Lusofonía
- 1998: Cuba. A isla d'a mosica
- 1999: A mosica d'o Islam. As mil y una mosicas
- 2000: O meridiano zero. En a linia
- 2001: Dezaga d'as trazas d'a mosica negra
- 2002: Especial Rom2003: America Latina
- 2003: Os ritmos cruzatos d'America Latina
- 2004: As mosicas d'o Sahel: O blues d'a muga
- 2005: En as muga d'America d'o Norte
- 2006: 15 anyos de Pireneus Sur
- 2007: Quan o río sona
- 2008: Africa Urbis
- 2009: Atlantico Negro
- 2010: Bicentenario Independencias Latinoámerica
- 2011: Tribus Ibericas
[editar] Pireneus Sur 2008
O festival baixo lo tetulo "África Urbis" se realizó d'o 10 a lo 26 de chulio.
Beluns d'os artistas convidatos estioron: Peret, Smod, Amadou & Mariam, Tony Allen, Maghrebika, Djamel Laroussi, Bidinte, Bigg, Idir, Alpha Blondy, Johnny Clegg, Cheikha Rabia, Ex-Centric Sound System, Konono Nº 1 entre atros.
[editar] Vinclos externos
- (es) Pirineos Sur Pachina Oficial
