Ferragudo
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo tracta sobre Ferragudo, casal de l'Alto Palancia. Pa atros emplegos de lo toponimo Ferragudo, veyer Ferragudo (desambigación).
| Ferragudo | |
| Localidat d'o País Valenciano | |
| Entidat • Estau • Comunidat • Provincia • Comarca • Municipio |
Localidat Espanya.svg){kind=small} País ValencianoCastellón Alto Palancia Vivel (Castellón) |
| Codigo postal | 12460 |
| Coordenadas | |
Ferragudo (Herragudo u Ragudo en castellano) ye un casal de lo termin municipal de Vivel, en la comarca de l'Alto Palancia y en la provincia de Castellón.
Toponimia[editar | modificar o codigo]
S'interpreta que este toponimo se remonta a lo nombre d'un propietario a qui Chaime I adchudicó unas tierras en lo Repartiment:
Como toponimo Ferragut evolucionó a Ferragudo, que encara se documenta en una mención de lo sieglo XVI, cuan se produció una castellanización fonetica: en un documento de 1532 ye escrito partida de Ferragudo el Viejo y huerta de Herragudo el Viejo[1]. En la compilación de fueros que se fació en lo Reino de Valencia en 1635 tamién escriben Herragudo en un texto escrito en catalán:
Francisco del Vayo replega Herragudo[3] y «Casas de Herragudo»[4] Madoz parla d'un casal con seis casas y un mont dito Herragudo en Vivel.
Rosa Gómez Casañ replega en l'Alto Palancia las demoninacions tradicionals de Ragudo y Erragudo entre la chent mes viella, y El Ragudo/El Rabudo y Rabudo entre la chent menor de 65 anyadas.
Bi ha uns cuantos microtoponimos que se relacionan con Ferragudo, beluns d'éls con una introducción de l'articlo determinau El que Rosa Gómez Casañ considera modificacions recients causadas por la rotulación oficial en la carretera como Las Cuestas de El Ragudo en un puesto dito Cuesta de Ragudo en la edición de lo mapa militar de 1978.
En las diferents edicions de lo mapa militar bi ha uns cuantos microtoponimos relacionaus con este casal. En la edición de 1951 trobamos: «Llanos del Ragudo», un vértiz cheodesico de tercer orden «Ragudo», «Torre de Ragudo»,«Camino Barrranco de la Moza a Ragudo» y «Barranco de Ragudo».[5] En la edición de 1982 trobamos «Masía del Ragudo», «Cuestas del Ragudo», «Torre del Ragudo», «Fuente del Ragudo» y «Barranco del Ragudo» y por lo contrario «Cerro de Torre de Ragudo»
Manimenos Natividad Nebot Calpe replega los microtoponimos con articlo determinau El Ragudo, La Rocha'l Ragudo, Los Llanos el Ragudo y los Altos el Ragudo, que l'anterior autora considera modificacions recients.
Cheografía[editar | modificar o codigo]
Ferragudo ye en lo norte de lo termin municipal de Vivel mugando con lo termin municipal de Barracas. En lo cabo norte de Las Casas del Ragudo enta l'antiga estación de las Masadas Blancas se troba a 800 m d'altaria la Fuent de Ferragudo (Fuente Herragudo en castellano churro). Esta fuent desaugua en la Balsa del Herragudo, que a traviés de dos cequias (cequia del Ragudo y cequia d'el Campanar), ye l'orichen d'un sistema de reganos tradicionals en las partidas de lo norte de l'actual termin municipal de Vivel: Ferragudo, El Campanar, Las Quinchas, El Rodeno y Zalón.
Molimentos civils[editar | modificar o codigo]
- Torre Ferragudo, d'orichen romano en la Cuesta de Ferragudo, en la transición entre lo Paramo de Barracas y las vals de la compleganza de lo río Palancia.
- Torre ibera de Ferragudo, conserva l'alazet de tiempos de los ibers; fue esviellada en tiempos de la ocupación musulmana.
Referencias[editar | modificar o codigo]
- ↑ A. C. S., sig. VI-44, 3 (Protocolo de Juan Castillo), doc. del 16 d'agosto de 1532, Exerica.
- ↑ (ca) Furs, capitols, provisions, e actes de cort: fets y atorgats per la S. C. R. M. del Rey Don. Phelipe. Editor Marcal, 1635. p 105.
- ↑ (es) Rosa Gómez Casañ: La "Historia de Xérica" de Francisco del Vayo. Edición y estudio, Segorbe, Caja de Ahorros y Monte de Piedad de Segorbe, 1986, pp. 118, 178 y 265.
- ↑ (es) Rosa Gómez Casañ: La "Historia de Xérica" de Francisco del Vayo. Edición y estudio, Segorbe, Caja de Ahorros y Monte de Piedad de Segorbe, 1986, p. 499.
- ↑ Mapa 639. Jérica. Edición Militar, Madrit, Dirección General del Instituto Geográfico y Catastral, 1951, escala 1:50.000.
Bibliografía[editar | modificar o codigo]
- Martín Peña Ortiz, Ángel González Ferrairó: Los sistemas de regadío tradicional de manantial y fuente, publicau en lo libro Los Paisajes de Regadío en el Alto Palancia. Publicacions de la Universitat de València; Edición: 1 (2008).[1]