Farad
De Biquipedia
O farad (simbolo: F) ye a unidat de capazitanzia eletrica d'o Sistema Internacional d'Unidaz (SI), clamada asinas en a onor d'o fesico britanico Michael Faraday.
[editar] Definizión
O farad se define como a capazitanzia d'un dieletrico que produz una diferenzia de potenzial d'un volt con una carga eletrica estatica d'un coulomb. En unidaz d'o SI se puet representar como s4 · A2 · m-2 · kg-1. Com l'ampere ye una relazión entre o fluixo de corrient eletrica d'un coulomb por segundo, una definizión alternatiba d'o farad sería a d'un ampere-segundo de carga á un volt. Asinas tenemos:
[editar] Esplicazión
Como o farad ye una unidat muit gran, en comparanza con os requerimientos abituals d'os dispositibos eletronicos, a balura d'un condensador s'espresa á ormino en microfarads (μF), nanofarads (nF), u picofarads (pF). O milifarad no se gosa emplegar en a prautica, asinas una capazitanzia de 4,7−3 F se gosa representar como 4700 µF. As capazitanzias muit chicotas, como as que s'emplegan en os zircuitos integraus gosan espresar-se en femtofarads (un femtofarad és igual a 1−15 F). En o caso d'os supercondensadors a capazitanzia plega en l'orden d'os quilofarads.
No s'ha de confundir o farad con o faraday, una antiga unidat de carga desplazada güé por o coulomb.
A imbersa d'a capazitanzia se clama elastanzia, y en unidaz d'o SI s'espresa en F-1, pero de traza no estandard de begadas rezibe o nombre daraf (farad escrito de rebés).
Un condensador consiste en dos superfizies condutoras, por un regular clamadas placas, deseparadas por una capa aislant, dita dieletrico. O primer condensador estió a botella de Leyden en o sieglo XVIII. L'acumulazión de carga entre as placas constituye a capazitanzia. Os condensadors modernos se fabrican con gran bariedat de materials y tecnicas ta ufrir buena cosa de baluras de capazitanzia, dende femtofarads dica o farad, con baluras de boltache d'entre pocos volts dica bels quilovolts.
[editar] Multiplos
| Multiplo | Nombre | Simbolo | Multiplo | Nombre | Simbolo | |
|---|---|---|---|---|---|---|
| 100 | farad | F | ||||
| 101 | decafarad | daF | 10–1 | decifarad | dF | |
| 102 | hectofarad | hF | 10–2 | centifarad | cF | |
| 103 | quilofarad | kF | 10–3 | mil·lifarad | mF | |
| 106 | megafarad | MF | 10–6 | microfarad | µF | |
| 109 | gigafarad | GF | 10–9 | nanofarad | nF | |
| 1012 | terafarad | TF | 10–12 | picofarad | pF | |
| 1015 | petafarad | PF | 10–15 | femtofarad | fF | |
| 1018 | exafarad | EF | 10–18 | attofarad | aF | |
| 1021 | zettafarad | ZF | 10–21 | zeptofarad | zF | |
| 1024 | yottafarad | YF | 10–24 | yoctofarad | yF |
