Falco eleonorae
| Falco eleonorae | |
|---|---|
 |
|
| Estato de conservación | |
 Seguro (IUCN) |
|
|
|
Dende o Dende o interglaciar Günz-Mindel (pleistocén meyo) |
| Clasificación scientifica | |
|
|
Eucariotas |
|
|
Animalia |
|
|
Chordata |
|
|
Aves |
|
|
Falconiformes |
|
|
Falconidae |
|
|
Falco |
|
|
F. eleonorae |
| Descripción | |
|
Gene, 1839 |
|
| Destribución cheografica | |
 |
|
Falco eleonorae(Gene, 1839) ye una especie de falcón distribuita por ciertas costas y islas d'a Mar Mediterrania, Marruecos y Canarias que hiberna en Madagascar. Prene o suyo nombre en honor a Alionor d'Arborea, chueza d'Arborea que en zaguerías d'o sieglo XIV establió una lechislación de protección d'as aus rapinyaderas, a primera conoixita.
Contenius |
[editar] Habitat y distribución
Cría en cinglos d'a marguin d'a mar de muitas costas y islas d'a Mediterrania: en Turquía, Grecia, Dalmacia, Cerdenya, Secilia, atras partz d'Italia, Túniz, Alcheria y Marruecos. Tamién se troba en a costa atlantica de Marruecos y en as Islas Canarias. Se troba en as Islas Columbretes y en as Islas Balears; en a isla de Sa Dragonera ye a colonia de cría més gran d'esta especie d'a Mediterrania occidental. Hiberna en Madagascar y en a suya ruta migratoria pasa por a Mar Roya.
[editar] Rechistro fósil
Ya se troba fósil en chacimientos d'edat Günz-Mindel (biozona MNQ 21 adintro d'o Pleistocén meyo en Francia y Italia; en o Pleistocén superior se troba en chacimientos de Francia, Italia, Grecia, Península Iberica, Mallorca, Ibiza, Creta y Tylos. A solo chacimiento fósil d'os Pireneus on se troba ye o de Izturitze[1] (Pireneus Atlanticos), d'edat Wrüm IV.
[editar] Alimentación
S'alimenta d'insectos y de muixons chicotz que ensopinan en l'aire.
[editar] Reproducción
Ye tardano criando en relación a totas as aus rapinyaderas y la més gran part d'as aus europeas, y la fa coincidir con o paso d'as chicotas aus migraderas en agüerro por as costas mediterranias.
Cría en colonias. A puesta la fan en faixas en os cinglos. Ponen 2-4 uegos, rosatos con tacas marrons.
[editar] Referencias
- ↑ Oscar Arribas."Fauna y paisaje en los Pirineos en la Era Glaciar". Lynx Ediciones. ISBN 978-84-87334-71-9
[editar] Vinclos externos
Se veigan as imáchens de Commons sobre Falco eleonorae.
Biquiespecies tiene un articlo sobre Falco eleonorae.
