Félix de Azara

De Biquipedia
Ir ta: navego, busca
Félix de Azara
O melitar, incheniero, explorador, cartografo, antropologo y naturalista aragonés Félix de Azara, en un quadro de Francisco de Goya.
O melitar, incheniero, explorador, cartografo, antropologo y naturalista aragonés Félix de Azara, en un quadro de Francisco de Goya.
Información personal
Calendata de naixencia: 19 de mayo de 1742
Puesto de naixencia: Flag of Aragon.svg Barbunyals (Semontano de Balbastro, Aragón)
Calendata de muerte: 20 d'octubre de 1821
Puesto de muerte: Flag of Aragon.svg Barbunyals (Semontano de Balbastro, Aragón)
Ocupación: Melitar, incheniero, explorador, cartografo, antropologo, naturalista, botanico y ornitologo

Félix de Azara u Félix d'Azara, naixito de Barbunyals (Semontano de Balbastro) o 19 de mayo de 1742 y muerto en ixa mesma localidat o 20 d'octubre de 1821, estió un destacto melitar, incheniero, explorador, cartografo, antropologo, naturalista, botanico y ornitologo aragonés, fácil que uno d'os aragoneses con una mas gran prochección universal d'os suyos tiempos. Antiparte, ye o chirmán d'o diplomatico aragonés José Nicolás de Azara.

Formato en a Universidat de Uesca, a on estudeyó Filosofía, Artes y Dreito, decidió sindembargo alazetar una carrera como melitar. Asinas, estió cadet en o Rechimiento d'Infantería de Galicia, de guarnición en Aragón, adedicando-se a treballos de topografía melitar. Prenió parte en a expedición contra Archel de 1775, a on i recibió feridas greus. En 1781 lo ninvioron a o virreinato d'o Río de la Plata ta delimitar-ne as mugas con Brasil, en ixas envueltas una colonia de Portugal, mugas que s'heban delimitato nomás que alto u baixo en o Tractato d'El Pardo signato en 1778 entre Espanya y Portugal. Mientres asperaba que plegase a delegación portuguesa (asperó 12 anyadas) fació os suyos propios treballos preparatorios, encluyendo-ie un analís completo d'o territorio de l'actual Paraguai dende quantos puntos d'anvista, dende a suya cheografía dica a suya zoolochía, en pasando por a economía u a ornitolochía.

Dimpués s'adedicó a fer treballos preparatios t'a colonización d'o territorio de l'actual Uruguai, ta prebar de frenar a expansión que os portugueses yeran fendo enta o sud dende os suyos territorios colonials en Brasil. Tornó a la peninsula iberica en 1801, dixando un fundo recuerdo en America.

Vinclos externos[editar | editar código]