Expo 2008
L'Expo Zaragoza 2008 estió una Exposición Internacional Reconoixita que se celebró a Zaragoza, a capital d'Aragón, dende o 14 de chunio dica o 14 de setiembre de 2008, y que tenió l'augua como principal eixe tematico. A localización d'o recinto d'a Exposición fació parti d'a mesma: a la espuenda de l'auguatuerta de Raniellas, vuelta que fa l'Ebro en pasar per a ciudat.
 Zaragoza |
 Trieste |
 Tesalonica |
Ast | |
|---|---|---|---|---|
| 1a Ronda | 47 | 35 | 12 | 3 |
| 2a Ronda* | 57 | 37 | - | 1 |
| (*) A la 2a ronda no i acudioron dos comisarios d'o BIE. | ||||
A Expo 2008 fie coordinata per o Bureau International des Expositions, organización responsable d'asignar as Exposicions. O 16 d'aviento de 2004, a candidatura de Zaragoza ta estar seu de l'Expo 2008 venció las d'altras ciudatz candidatas como Salonica (Grecia) y Trieste (Italia).
Zaragoza commemoró tamién en 2008 o bicentenario d'os Setios de Zaragoza d'a Guerra d'o Francés contra la invasión napoleonica (1808) y o centenario d'a Exposición Hispano-Francesa de 1908, que suposó un primer blinco qualitativo en a modernidat d'a ciudat.
A mascota de l'Expo 2008 represientaba una chisla u gota d'augua clamata «Fluvi». O nombre, acronimo de flumen vitae ('arrigo d'a vita', en latín), se li dio dimpués d'un debate ciudadano prou controvertito, y en o qual un d'os nombres favoritos yera estata la parola aragonesa 'Chisla'.
Contenius |
[editar] Tema principal
A tematica d'a Exposición tenió l'augua per obchecto central, baixo lo epigrafe de «augua y desarrollo sustenible», y se'n desglosoron uns quantos temas: «L'augua, recurso escaso»; «l'augua t'a vita»; «os paisaches de l'augua» y «l'augua como elemento de relación entre os pueblos».
[editar] Espacios emblematicos
D'entre os espacios emblematicos, se i troba:
- o Pavillón Puent, construcción que achunta o recinto de l'Expo con o vico de l'Almozara, encomendata ta l'arquitecta britanico-iraquí Zaha Hadid;
- a Torre de l'Augua, gratacielos de 76 metros d'altaria, disenyato per Enrique de Teresa, que permete de canalizar l'augua d'o recinto de l'Expo en creyar un cercuito trancato en o qual se pueden fer actividatz variatas;
- o Palacio de Congresos de Zaragoza, de Nieto & Sobejano;
- l'Aqüario fluvial, adestinato a estar o mes gran d'Europa;
- o Pabillón d'Aragón, d'os arquitectos Olano y Mendo;
- o Pabillón d'Espanya, de l'arquitecto navarro Patxi Mangado, un edificio climaticament sustenible, a refricheración d'o qual se fa de trazas naturals per meyo de l'augua de plevia;
- a Palanga d'o Voluntariato de Manterola que, con una lonchitut de 277 m, achunta las dos espuendas sin emparar-se mica sobre o río, con un mástil de 75 metros d'altaria;
- o Puent d'o Tercer Milenio, que enlaza la marguin dreita de l'Ebro con a Expo;
- o Pavillón Latinoamericán, que con o epigrafe "Baixo la plevia, selvas y bosques latinoamericans" esprisa la valura de l'augua d'as selvas latinoamericanas, entegrando-ie elementos climaticos, edaficos, zoolochicos, botanicos y hidrolochicos en os suyos conceptos expositivos, sobre o río Ebro, a cargo de l'arquitecto mexicano Fernando López Guerra;
- as seis Plazas tematicas, que deenvolicoron un seguito d'exposicions y espectaclos como estimulo t'a reflexión sobre l'augua;
- qualques telecabinas que achuntan a Estación Intermodal de Zaragoza-Delicias con o parque metropolitán y o recinto de l'Expo.
[editar] Prochectos relacionatos
A lo redol de l'Expo s'ha disenyato un gran parque metropolitán, a on que os vesitadors pueden fer diferents actividatz, pus conta d'entre altras cosas con:
- plachas fluvials;
- una canal d'auguas furas;
- una zona termal;
- un chardín botanico;
- un campo de golf;
- un pabellón de celebracions.
Amés, en relación con a celebración d'a Expo, uns altros prochectos estioron:
- a construcción d'un azut en l'Ebro que regla las auguas ta fer-ie un trampo navegable;
- a recuperación d'as espuendas de l'arrigo per meyo d'a enamplata d'as ceras, a esmarguinata d'o soto de ripera, a construcción de miradors u la instalación de pistas de voleibol y futbol placha, d'entre altras cosas;
- l'amilloramiento d'a Uerva, d'o Galligo y d'a Canal Imperial d'Aragón;
- a incorporación d'os antigos depositos de Casablanca, como laco artificial con embarcacions;
- a remodelación y enamplata de l'aeropuerto de Garrapiniellos.
- l'amilloramiento d'a iluminación d'a ciudat, igual a molimentos y puents como a carreras y avenitas, amés d'a la Basilica d'o Pilar y a la Seu de Sant Salvador.
[editar] Países que i participoron
Amés de totas as Comunidatz Autonomas d'o Estato espanyol, a lista d'os 108 estatos d'o mundo que participoron en l'Expo 2008 estió a siguient:
[editar] Emplego posterior d'o recinto
Ye previsto que bells edificios de l'Expo sian logatos u enallenatos a diferents institucions. O Pavillón d'Aragón, per eixemplo, será la seu d'una consellería d'o Gubierno d'Aragón. Dos d'as construccions més emblematicas, a Torre de l'Augua y o Pavillón Puent, podrían estar adqueritos per conoixitas institucions financieras aragonesas.
Os pavillons internacionals s'adestinarán a uficinas a fin de creyar o parque empresarial més gran de Zaragoza. En a suya remodelación s'ha embrecato lo estudio madrilenyo Lamela. O nuevo recinto contará igualment con establimientos ta l'ocio y a restauración.
[editar] Controversias
A construcción d'o recinto de l'Expo 2008 a l'aguatuerta de Ranillas ye estata qüestionata dende diferents colectivos socials que han ensistito en a contradicción d'as obras y d'a ubicación d'o evento con o lema d'a propia exposición referito a la sostenibilidat.
En ixe sentito, os cheologos recomiendan no edificar sobre ramblars como l'aguatuerta de Ranillas, ya que diz que corren periglo d'engaronar-se cada 20 anyatas. Ta solucionar o problema, se i ferán bells diques, encara que ixo podría resultar insuficient a largo termín.
Scientificos especialistas en limnolochía han creticato a construcción d'un azut abatible en l'Ebro, feito ta creyar una lama d'augua estable de 4 km, pus en altera o rechimen hidraulico. Per istas obras, a biodiversidat fluvial s'ha bisto prou alterata, ya que ha caliu retirar os moluscos bivalvos autoctonos en un trampo de 8 km.
As queixas d'a vecindat per o nivel de ruito que pateixen son cutianas.
[editar] Vinclos exteriors
- (es)Sitio web oficial.
- (es)Blog oficial d'Expo Zaragoza 2008 - Primer blog en a historia d'as Exposicions Internacionals.
- (en) (fr) Sitio web d'o Bureau International des Expositions.
- (es) Video d'o espot promocional de l'Expo Zaragoza 2008.
- (es) Informe d'Ecolochistas en Acción de Zaragoza sobre o prochecto d'Expo 2008 a l'aguatuerta de Ranillas t'o Bureau Internacional des Expositions.
- (es)Sitio web en contra d'a Expo.
