Eva Briegel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Eva Briegel
Información personal
Nombre
Embotada
Naixió	3 d'aviento 1978
Murió
Información musical
Orichen	Leonberg, Alemanya
Estilo	Pop-rock
Ocupancia	{{{Ocupancia}}}
Instrumentos	Voz
Tiempo
Discograficas	{{{Discografica}}}
Relacionau con	{{{Artistas_relacionaus}}}
Pachina web	Pachina de Juli

Eva Briegel naixita de Leonbergo 3 d'aviento de 1978 ye una cantaire alemana de pop-rock d'o grupo Juli.

Biografía

Eva Briegel en 2004

A familia d'Eva Briegels viviba en Böblingen cuan ella naixió, pero en l'anyo 1982 cuan Eva teneba 3 anyos se tresladoron ta Langgöns (Hesse). Eva creixió con os suyos pais y o suyo chirmán mayor en ista localidat. Allí dende l'anyo 1985 prencipió a ir a la escuela primaria y dimpués dende l'anyo 1989 se tresladó a la escuela Anne-Frank en a vecina ciudat de Linden. Dimpués d'un anyo en a Escuela Superior Segundaria (Liebigschule) en Gießen, prencipio en 1998 os estudios de bachillerato en a Gesamtschule de Gießen-Ueste, graduando-se en ista escuela.

Ya en os suyos zaguers anyos en a escuela, cantó en diferents grupos y s'intresó en gran mesura por a suya carrera musical. Manimenos prencipió a carrera d'historia de l'arte en a Universidat de Heidelberg, albandonando a carrera o primer semestre. Dimpués tornó ta Gießen y pasó cuantos anyos en a Universidat de Gießen, estudiando diferents asignaturas, pero nunca no remató a carrera. Tanimientres treballó vendendo ordinadors y como cambrera en una tabierna.

Carrera musical

En l'anyo 2000 a discografica Goodwell Music s'intresó por Eva ta reemplazar a la cantaire Miriam Adameit en o grupo Sunnyglade. Ella acepto a oferta y se convertió en a nueva cara d'o grupo. Con o cambio de nombre d'o grupo por Juli en l'anyo 2001 se reforzó a unión entre o grupo y a cantaire, encara mas dimpués d'o gran exito d'o primer single Perfekte Welle d'o suyo disco Es ist Juli (en o que Eva Briegel participó en a creyación de siet d'as doce cancions que incluiba). En octubre de 2006 amaneixió lo suyo zaguer disco Ein neuer Tag. Encara que o grupo cantaba en anglés antis d'a plegata d'Eva, prencipioron con o suyo cambio de nombre tamién a cantar en alemán. Eva Briegel dició sobre l'uso de l'alemán en as suyas cancions: "No miramos de trobar os nuestros orichens u bellacosa pareixita -nomás cantamos en alemán porque no somos tan buenos en anglés ta exprisar en as nuestras cancions lo que sentimos"

Discografía

Singles con Juli

Actuación d'Eva Briegel con Juli en Mannheim en 2007

Anyo	títol	Publicato en
2004	Perfekte Welle Es ist Juli	28 de chunio de 2004
	Geile Zeit Es ist Juli	15 de noviembre de 2004
2005	Regen und Meer Es ist Juli	Mayo de 2005
	Warum Es ist Juli	15 d'agosto de 2005
	November Es ist Juli	11 de noviembre de 2005
2006	Dieses Leben Ein neuer Tag	22 de setiembre de 2006
	Wir beide Ein neuer Tag	15 d'aviento de 2006
2007	Zerrissen Ein neuer Tag	27 d'abril de 2007
	Ein neuer Tag Ein neuer Tag	21 de setiembre de 2007

Albums con Juli

Eva Briegel en 2008

Anyo	títol	Publicato
2004	Es ist Juli 20 de setiembre de 2004	700.000
2006	Ein neuer Tag 13 d'octubre de 2006	+500.000
2007	Ein neuer Tag – live 28 de setiembre de 2007	+150.000

Colaboracions

Anyo	títol	Publicato en
2004	Half a Step Hacienda feat. Eva Briegel	This Very Moment (Album)
2007	Stolen Dashboard Confessional feat. Juli	Dusk and Summer (Album) Stolen (Single)
2008	Diese Leben Rhythms del mundo feat. Juli	Cubano Aleman (Album) Diese Leben (Single)

Atras actividaz

• En o verano de 2004 colaboró con l'album dance This Very Moment d'o prochecto musical Hacienda de Finger & Kadel entrepitando a canción Half a Step.
• Eva Briegel ye una reconoixita vechetariana. En aviento de 2006 protagonizó una campanya publicitaria d'a protectora d'animals PETA (People for the Ethical Treatment of Animals) en favor d'o vechetarianismo, a on que apareixeba en un anuncio vestita con una col.
• Eva refirma una campanya en favor d'o medio ambient en a que se plantan árbols en Panamá en compensación por as emisions de CO₂ que s'emiten en os suyos conciertos y chiras.
• En l'anyo 2008 desarrolló lo papel principal en o vidio musical Trauriges Mädchen (en aragonés Mesacha trista) de Sven van Thom.

Vinclos externos

• (de) Pachina oficial de Juli.