Eurico

Eurico
Rei d'o Reino Visigodo de Tolosa
Estatua de Olivieri y Felipe de Castro representando a Eurico
Rei d'o Reino Visigodo de Tolosa
466 - 484
Predecesor	Teodorico II
Succesor	Alarico II
Muerte	anyo 484
Dinastía	Baltingos

Eurico estió rei d'os visigodos dende l'anyo 466 (dimpués d'amortar a lo suyo chirmán Teodorico II) dica l'anyo 484.

Yera fillo de Teodorico I. Se casó con Ragnachilda, filla de Meroveu, rei d'os francos.

O reinato d'Eurico coincidió con a disolución d'o Imperio Román d'Occident, quan fue destronato o zaguer emperador Romulo Augustulo en 476. Os visigodos heban firmato un foedus con Roma en l'anyo 418, por o que heban esdevenito federatos d'o Imperio y o Imperio lis permitiba d'establir-sen en o sud d'as Galias. Eurico no reconoixió l'autoridat d'o herulo Odoacro, qui destronó a lo zaguer emperador, feito que li permimitiba d'independizar-se pa cutio. D'esta traza amaneixió un reino visigodo oficialment independient conoixito por os historiadors como Reino Visigodo de Tolosa.

Eurico encomenzó una expansión territorial por Galia y Hispania. En Galia guerreyó contra os francos y saxons, y o suyo reino yera o més poderoso y influyent d'Europa Occidental. A suya cort residiba en Tolosa, encara que nominalment en Arlet. O territorio controlato por os visigodos en ixas envueltas d'Eurico yera quasi tota Hispania, con a excepción notable d'a Gallaecia (on yeran os suevos) y gran parte de Galia a l'ueste d'o río Rin y a lo sud d'o río Loira.

Con grant talento politico, publicó o Codex Euricianus, cuerpo legal de dreito visigodo. Teneba como colaboradors a romans como Victor y Vicent, y o suyo primer ministro yera León, román tamién.

Mencions en fuents aragonesas

Ye mencionato en a "Cronica de Sant Chuan d'a Penya":

Et depues de aquesti Valient; et en tiempo de aquesti los godos tenyan lur senorya mayor en Tolosa. Et aquesti rey prendió las tierras de Bética et de Galicia, las quales tenían los vándalos et los alanos; et depues de aquesti Goodorenus; et depues su filio Turison; et depues su hermano Trodoricho. Et depues de aquesti regnó su hermano Euricho. Et aquesti prese en España la prouincia de Tarragona, et depues de aquesti regnó su fillo Alarico; et depues de aquesti regnó su nieto Teodio; et depues de aquesti Teodiselo; et depues de la muert de aquesti, regnó Agila, et depues Athanagildo; et depues de aquesti Luynba; et depues su hermano Leouegildo; et aquesti exampló et crexió su reyno en Spanya; et aqueste fué el primero rey que se posó a taula todo solo, et se vistió de vestiduras reales, porque enantes todos los reyes se posauan en lur taula con caualleros et hauían ansi vestidos como caualleros.

Vinclos externos

• Se veigan as imáchens de Commons sobre Eurico.

Predecesor: Teodorico II

Rei d'o Reino Visigodo de Tolosa 466-484

Succesor: Alarico II