Estela de Luna
De Biquipedia
La Estela de Luna ye una estela funeraria de la edat de Bronze trobata en Luna (Aragón) e que ye unica porque pertenexe á un tipo d'estelas propio de lo surueste de la Peninsula Iberica.
Ye una estela con forma d'ome u antropomorfa, e rezibió en su cara anterior los grabatos d'un escudo u escotadura en V e una lira u phormix, que presenta un lumero elebato de cuerdas. Este tipo d'estelas ye una rareza en la Bal de l'Ebro, e totas las atras de lo suyo mesmo tipo se troban en Estremadura y arredol, basando-sen en modelos fenizios.
La presenzia de la lira fa pensar en cantas u composizions poeticas, talment epicas que se cantarían en zerimonias u zelebrazions.
