Estatos latins d'Orient
O termin Estatos latins d'Orient fa referencia a los feudos que os liders cruzatos creyoron en tierras d'a Mediterrania Oriental dende os Balcans dica Siria y Palestina.
Quatre d'ells fuoron creyatos en a primera cruzata:
- O Condato d'Edessa (1098-1146)
- O Principato d'Antioquía (1098-1268)
- O Condato de Trípol (1102-1288)
- O Reino de Cherusalem (1099-1291)
Anyos dimpués Ricardo Corazón de Lión conquiere a isla de Chipre a un sinyor bizantín en a tercera cruzata y cede a isla a Guy de Lusignan qui i funda una monarquía:
- O Reino de Chipre (1192-1489)
Dimpués d'a caita de Costantinoble en o curso d'a quatrena cruzata, fuoron fundatos uns quantos estatos en tierras d'o Imperio Bizantín:
- O Imperio Latín de Costantinoble (1204-1261)
- O Reino de Salonica (1205-1222)
- O Prencipado d'Acaya (1205-1428)
- O Ducato d'Atenas, dende 1205 dica 1458 (lista de duques), plegó a fer part d'a Corona d'Aragón
- O Ducato de Naxos (1210-1566)
A Orden d'o Hespital s'establió en Rodas y atras islas echeas en 1310 y permaneixioron dica que os otomans los forachitoron en l'anyo 1522. A presencia d'un gran mayestre d'orichen aragonés con gran intrés por a cultura clasica fació que s'escribisen en aragonés u se traducisen a l'aragonés un camatón de libros dende o griego, latín u francés on bi ha informacions sobre a historia d'estos estatos. Destaca o "Libro de los fechos et conquistas del principado de la Morea".
[editar] Bibliografía
- René Grousset "L'Empire du Levant : Histoire de la Question d'Orient", Paris, Payot, coll. « Bibliothèque historique », 1949 (réimpr. 1979), 648 p. (ISBN 2-228-12530-X)
