Espezie
De Biquipedia
En biolochía, una espezie (d'o latín species) ye una d'as unidaz basicas d'a biodibersidat. Per un regular, una espezie ye constetuyita d'organismos endibiduals d'una poblazión natural, con:
- Capazidat ta cobrir-se entre eros e reproduxir-se, librando nuebos endibiduos fertiles.
- Aspeuto fesico, carauteristicas e chenoma semilars, pos tienen anzestros comuns en tiempos relatibament rezients.
D'antis no se determine si diferents endibiduos pertenixen ent'a mesma espezie, cal estudiar-los ta poder unificar-ne as trazas. Anque bi ha diferents definizions d'"espezie", güei a separazión d'entre espezies ye prou bien definita, á tamas d'a linia separadera d'espezies e sozespezies que ye més defizil de determinar concluyentement. As espezies s'agrupan en cheneros, familias, ordens..., d'alcuerdo con o suyo parentache filochenetico.
En a clasificazión zentifica, cada espezie tiene un nombre binominal; o primero ye espezificar-ne o chenero e dimpués a espezie, anque, ta identificar-la s'han de mentar es dos nombre chuntos, per un regular escritos en corsiba (perque son en latín) e subrayatos cuan son escritos á mano. Asinas, es umanos somos una espezie d'o chenero Homo, dita Homo sapiens. Ista nomenclatura estiore estandarizada per Carl von Linné en o sieglo XVIII e á sobent s'en diz "nomenclatura linneana". Més formalment, o nombre espezifico se gosa á escribir con o suyo descubridor u descriptor acompañando-lo, chunto con l'año en que ne fazioren a primera descrizión.
[editar] Numbrosidat d'espezies
Alto u baixo, o numbro d'espezies d'eucariotas descritas (2004) se puet desglosar asinas[1]:
- 1.190.200 Imbertebratos:
- 287.655 Plantae:
- 15.000 molsas
- 13.025 falzes
- 980 Gimnosperma
- 199.350 Magnoliopsida
- 59.300 Lilliopsida
- 10.000 liquens
- 16.000 Fungi
Total: 1.562.663 espezies
[editar] Referenzias
- ↑ Entrata [1] en a Lista Roya d'as Espezies Menazatas
