Escoceses de l'Ulster

De Biquipedia
Ir ta: navego, busca
Escoceses de l'Ulster
Ulstèr-Scotch / Ultais
John Ballance.jpgLord CairnsFrancis Hutcheson b1694.jpg
Lord CraigavonLord Kelvin photograph.jpgDrIanPaisley.jpg
John Ballance · Lord Cairns · Francis Hutcheson
Lord Craigavon · Lord Kelvin · Ian Paisley
Rechions con comunidatz importants
Flag of Ulster.svg Ulster
Flag of the United States.svg Estatos Unitos
Flag of Canada.svg Canadá
Flag of Australia.svg Australia
Idiomas
Anglico escocés, anglés
Relichión
Presbiterianismo
Pueblos relacionatos
Escoceses de las Lowlands, angleses, irlandeses

Los escoceses de l'Ulster son la población d'orichen escocés que s'ha iu establindo en lo norte d'Irlanda dende lo sieglo XVII como colonizadors britanicos asimilando a irlandeses autoctonos y a los angleses con los qui emigroron. Son de relichión protestant presbiteriana y charran anglico escocés u anglés.

Historia[editar | editar código]

En l'Ulster dominó lo clan de los Uí Néill. Los suyos descendients, Los O'Neill, presentoron violenta resistencia a la conquiesta anglesa a fins de lo sieglo XVI. Hug O'Néill, conte de Tyrone, consiguió notables victorias frent a los exercitos d'Isabel I, pero fue derrotato en 1607 y fuyó enta Europa con atros nobles irlandeses de l'Ulster. Las fincas que deixoron fuoron ocupadas por protestants escoceses y angleses. La plegada d'os nuevos colonos suposó a marguinación d'os catolicos irlandeses y la supremacía d'os protestants.

Las plantations de colonos protestants no tenioron exito que en la redolada de Belfast, a on esdevinioron la población mes numerosa, población formada por totz los libels socials. Lo feito que los colonos escoceses fuesen chent de diferents clases socials permitió que s'asimilasen a los irlandeses como s'heba desvenito con colonos anterior; en cuenta d'esto ye posible que qualques irlandeses nativos s'asimilasen a los escoceses en Antrim y Down convertindo-se a lo presbiterianismo. Pa evitar que los irlandeses catolicos autoctonos recuperasen lo poder fundoron la Orden d'Orange como grupo d'autodefensa.

A principios de lo sieglo XX los protestants yeran mayoritarios en los condatos d'Antrim, Down, Armagh, Londonderry, y minoritarios en los atros condatos de l'Ulster: Fermanagh, Tyrone, Donegal, Monaghan y Cavan.

En zaguerías de 1920 lo parlamento britanico vota una lei que divide la isla en dos partz, cadaguna autonoma y con estructura confederal. Pa asegurar la supremacía de los protestants la delimitación d'Irlanda de lo Norte de 1920 no incluye los tres condatos de l'Ulster mes catolicos. Manimenos los grans terratenients consiguen que los condatos de Fermanagh y Tyrone de mayoría catolica queden en Irlanda de lo Norte chunto con los quatre de mayoría protestant de Antrim, Down, Armagh y Londonderry pa dar-lis una viabilidat economica.

Las eleccions dan una mayoría a los unionistas en la part norte d'Irlanda. La partición d'Irlanda de 1921 seguindo los termins de l'Acta de Gobierno d'Irlanda de 1920 de Lloyd George suposó la formación d'un parlamento en Irlanda de lo Norte lo 7 de chunio de 1921. Este parlamento aprobó lo 7 d'aviento de 1922 demandar a Chorche V no ser incluyitos en lo Estato Libre Irlandés, que s'heba feito independient un día antes.

La Orden d'Oranche controló la vida politica d'Irlanda de lo Norte y practicó una visible discriminación economica y social de mes d'un tercio de la población, irlandeses catolicos sobre tot en materia d'emplego y acceso a la vivienda. D'esta traza los irlandeses catolicos facioron una revuelta en l'anyo 1969 que duró qualques decadas. Mientres estas revueltas qualques protestants han practicau lo terrorismo pa combatir a l'IRA fendo liga con lo Exercito Britanico.

Veyer tamién[editar | editar código]