Rubus ulmifolius
De Biquipedia
| Esbarzera | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Rubus ulmifolius |
||||||||||||||||||
| Clasificazión zentifica | ||||||||||||||||||
|
||||||||||||||||||
| Nomenclatura binomial | ||||||||||||||||||
| Rubus ulmifolius | ||||||||||||||||||
| Schott. |
A esbarzera, u més frecuentment barza (Rubus ulmifolius), ye un arbusto d'a familia d'as rosázias de trazas sarmentosas, las brancas d'a cual, punchudas e de seczión pentagonal, pueden creixer dica los 3m de lonchitut.
Contenius |
[editar] Descripzión
Tien fuellas imparipinnadas, composadas per 3 u 5 foliolos peziolulatos, de forma eliptica, obada u obobada, con os cantos aserratos u dentatos. A color d'as fuellas ye berda fusca per alto e blanca pilosa per o emberso.
As flors suyas son blancas u rosadas, de 5 sepals e 5 petals. Amanixen en carrazez, deixando puesto dimpués á infloreszenzias de forma oblonga u piramidal. Os sepals son grisos u blanquinencos. A color d'os petals pende de l'eixemplar, e puet bariar dende la blanca ent'a rosa. Fan d'entre es 10 e os 15 milimetros e tienen forma obalada.
A fruita suya ye comestible, pareixita d'una lula carnosa, clamada mora. No obstante, no ye si que una agrupazión de mutas drupas chicotas, puestas en carrazo, chunidas d'entre elas que se tornan negras en madurar.
[editar] Destribuzión
Ye una planta prou més imbasiba que altras espezies d'a familia suya, e medra rapida á més de tener capazidat de multiplicar-se bechetatibament ixando benas dende las suyas ramas baixas. Puet encluso colonizar grans arias de selba, mont baixo, mans de montañas u marguins de camins, en formar grans matullars en periodos curtos de tiempo.
Ye una espezie muito frecuent en marguins de camins, estando una indicadora que la tierra i ye funda e umeda, á más de rica en nitrocheno, feta que istes organismos el prezisan bien. A suya aria de destribuzión orichinal yera cuasi tota Europa, norte d'Africa e Asia, encara que ha estato introduzida en America e Ozeanía per es usos alimentarios d'as suyas fruitas.
En rechions espezialment fridas, as fuellas, encara que d'abitual son perennes, cambean a suya color tornando-se-ie més royas per efecto d'a retrazión d'a saba berda ta protecher-la d'as cheladas, quedando asinas només remasos os pigmentos minoritarios d'a fuella. Asinas gosan á poder-se beyer en os ibiernos d'Aragón, per exemplo, d'una manera que ye prou tipica.
[editar] Etimolochía
O nombre zentifico d'ista espezie ye composato d'as parolas rubus (d'o latín ruber, royo) que fa referenzia á la color de muitas fruitas maduras d'altras espezies d'o mesmo chenero (como os ixordons), u á las inmaduras d'ista espezie concreta, e ulmi (d'o también latín ulmus, urmo), per a forma d'os suyos foliolos que fan pensar en as fuellas aserradas e bien nerbadas de l'arbol (Ulmus minor).
[editar] Enrastres externos
Se beigan as imachens de Commons sobre barzas.- (en) Blackberries and Raspberries Informazión sobre lo caultibo.
- (en) Blackberry Pollination Images Imachens d'a polinizazión d'as moras.
