Caprimulgus

De Biquipedia
(Reendrezau dende Enganyapastors)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Gallineta ciega reendreza ta iste articlo. Ta atros usos de «gallineta ciega» se veiga Gallineta ciega (desambigación).
Caprimulgus
Caprimulgus europaeus
Denominacions populars
Gallinetas ciegas, gallinas ciegas, enganyapastors
Clasificación cientifica
Eukaryota
Animalia
Chordata
Aves
Caprimulgiformes
Caprimulgidae
Caprimulginae
Caprimulgus
Descripción
Caprimulgus
Linnaeus, 1758

Caprimulgus (que etimolochicament significa «os que muyen as crabas») ye un chenero d'aus caprimulguiformes de a familia d'as caprimulguidas, de costumbres crepusculars y nocturnos, que habitan en Eurasia, o norte d'Africa y en America, y que en l'Alto Aragón se conoix como gallinetas ciegas[1] u enganyapastors.[1]

Descripción[editar | modificar o codigo]

Son aus de mida meyana, de color caracteristicament mimetica con l'hábitat a on viven, alas largas y finas que rematan en punta, y as patas y o pico muit curtos. Os uellos, negros, son muit grans en comparanza con a cabeza y destacan por a suya mida cuan os ubren.

De días, s'acochan contra tierra u contra una rama d'árbol en perfecta quietut, con os uellos zarraus, y resulta dificil trobar-los por o suyo mimetismo. De nuez, vuelan cazando insectos. Emiten un canto caracteristico, muit potent, que resulta monotono en a mayoría d'especies.

Fan o niedo en tierra, en a selva. Nidifican en selvas de coniferas y tamién en as de planifolios, y os polletz naixen con un plumache pareixiu a'l de sus pais, o que les permite mimetizar-se en o niedo dende chicorrons.

Imáchens[editar | modificar o codigo]

Referencias[editar | modificar o codigo]

  1. 1,0 1,1 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-8986-235-7

Vinclos externos[editar | modificar o codigo]