Endocarpo

De Biquipedia
(Reendrezau dende Endocarpio)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Endocarpo d'un fruito.
Endocarpo d'oliva arbequina ubierto.

O endocarpo ye a capa mes interior d'o pericarpo, ye dicir, a part d'o fruito que embolica a las simients. A vegatas puet estar duro, por eixemplo en as nueces y en as almendras, con un endocarpo formato por un esclerenquima con capas d'esclereidas.

En as bayas, como a grosella, u l'abayón o endocarpo ye muito tovo y contién a saber-lo de simients muito chicotas.

En os hesperidios, como as naranchas y limons o endocarpo son gallos sucosos que contienen as pepitas y ye a sola part consumita, pus o mesocarpo citrico ye una fibra blanca.

En as drupas, como os prescos y prunas, ye un ruello que rodeya a sola simient dita lulo.

En as nuculas, como os pistachos, o endocarpo gosa estar una cascla dura que s'ha de sacar pa minchar-ne.

En os pomos, como a mazana y a pera, o endocarpo ye coriacio.