Elbrús

De Biquipedia
Ir ta: navego, busca
Elbrús
Минги тау, Miñi taw
Elbrus North 195.jpg
Situación
Situación Flag of Russia.svg Muga entre Kabardino-Balkaria y Karachaievo-Cherkesia (Rusia)
Latitut 43° 21′ 18″ N
Lonchitut 42° 26′ 21″ E
Cheografía
Cordelera Caucas
Altaria 5.642 m
Primera puyada
Rota mas fácil
{{{mapa}}}

O Elbrús ye un estratovolcán y o mont més alto d'a cordelera d'o Caucas y de tota Europa, con 5.642 m. Ye situato en a muga entre Kabardino-Balkaria y Karachaievo-Cherkesia a man d'a muga con Cheorchia, deseparando os territorios d'os balcars y os karachais.

Toponimia[editar | editar código]

O toponimo Elbrús ye preso por totas as luengas occidentals dende o ruso. Elbrus ye a metatesi de Alborz, que corresponde a Harā Bərəzaitī d'a mitolochía persana y s'interpreta como "Guardián Alto" dende a radiz persana borz/brus/braz/faraz u l'oseta barz ("alto").

En as luengas norcaucasicas occidentals (circasián y atras) ye Ошхамахуэ; Oshkhamakhua, en cheorchián იალბუზი - Ialbuzi, en os codialectos turquicos karachai y balkar ye Минги-Тау, Mingi Taw ("mont eterno", "mont milenario"). En idiomas turquicos meridionals ye Jin-Padishah u Джин-падишах, deformación d'o persán-arabe Albar u Albors, que deriván de Альбар u Альборс ("gran" en idioma persán).

O Mont Elbrús ye mencionato como Alborc (errata d'Alborç) en "La Flor de las Ystorias d'Orient" y como Absor en o "Libro d'as Marabillas d'o Mundo", talment prenendo o toponimo d'a forma arabe-persana Albar-Albors:

Enel Regno de iorgie deues orient comarca a vna grant montanya q(ue) es clamada alborc et aquí habitan muchas naçiones de gentes et por aq(ue)sto es clamada aquella comarca alame
Empues es el Regno de georgie q(u)i comje(n)ça vers vna montayn(n)a gra(n)t q(u)i es clamada absor do fincan muchas diu(er)ssas gentes de diu(er)ssas nacion(e)s et clama(n) la t(ier)ra alamo