Ducato de Neopatria
| Δουκάτο Νέων Πατρών Ducato de Neopatria |
||||
|---|---|---|---|---|
|
||||
|
||||
 |
||||
| Capital | Neopatria | |||
| Idioma oficial | Griego | |||
| Relichión | Cristianismo | |||
| Gubierno | Monarquía | |||
| Duque • 1319-1338 • 1381-1390 |
Alifonso-Frederico Pero IV d'Aragón |
|||
| Periodo historico | Edat Meya | |||
| • Conquiesta por os almogávars | 1204 | |||
| • Conquiesta por Florencia | 1390 | |||
| Miembro de: Corona d'Aragón | ||||
O Ducato de Neopatria estió un territorio historico situato en Grecia, en a rechión de Tesalia. Administrativament yera dividito en as capitanías de Siderocastron, Neopatria y Salona. O ducato teneba seu en Neopatria.
Fue conquerito en l'anyo 1319 por o infant aragonés Alifonso-Frederico de Secilia con tropas almogávars y feito ducato en unión con o d'Atenas. A ciudat de Neopatria la pobloron aragoneses pero poquet a poquet fue decayendo. Part d'os territorios d'o ducato en Tesalia fuoron conquiestas por os serbios en 1337 con Esteban Dušan. Dimpués d'o gubierno de Rocher de Lauria (1362-1370) as enrestidas d'o Imperio Bizantín fuoron disminuindo progresivament o suyo territorio, dica que o ducato fue reducito nomás a la ciudat.
En 1377 o rei Pero lo Cerimonioso prenió lo títol ducal pero en 1390 tot o ducato cayó en mans d'os florentins. O títol de duque de Neopatria se mantenió nominalment ta os reis aragoneses y os suyos succesors dica la fin d'o reinato de Carlos II d'Aragón.
Lista de Duques de Neopatria [editar]
- 1319-1338: Alifonso-Frederico d'Aragón, sinyor de Negropont, fillo natural de Frederico II de Secilia.
- 1338-1348: Chuan de Secilia, marqués de Randazzo, fillo d'o rei Frederico II.
- 1348-1355: Frederico I d'Atenas, marqués de Randazzo, fillo de l'anterior.
- 1355-1377: Frederico III, rei de Secilia, primo de l'anterior.
- 1375-1380: Loís-Frederico d'Aragón, conte de Salona y vicario de l'anterior.
- 1377-1381: María de Secilia, reina de Secilia, filla de Frederico III.
- 1381-1390: Pero IV d'Aragón, rei d'Aragón
- tenió diferents vicarios mientres o suyo reino
Se veiga tamién [editar]
| Corona d'Aragón |  |
|---|---|
| Aragón | Atenas | Catalunya | Cerdenya | Mallorca | Nápols | Secilia | Neopatria | Senyoría de Montpeller | Valencia | |
