Ducato de Brabant

De Biquipedia
Ir ta: navego, busca
Ducato de Brabant
Hertogdom Brabant
Duché de Brabant
Estato d'o Sacro Imperio Román Chermanico
3by2white.svg 1183 — 1795 Prinsenvlag.svg
Flag of France.svg
Bandera Escudo d'armas
Situación de
Ducato de Brabant enta 1350
Capital Bruselas
Idioma oficial Flamenco
Gubierno Monarquía
Duque
 • 1183 - 1235
 • 1792 - 1795

Henrique I de Brabant
Francisco I d'Austria
Periodo historico Edat Meya
 • Creyación d'o condato
por Frederico Barbarroya
1183
 • Conquiesta francesa 1795

O ducato de Brabant yera un feudo d'o Sacro Imperio Román Chermanico, situato entre o prencipato de Lidje, o condato de Namur, o condato de Flandres y o condato d'Hainaut. As suyas ciudatz prencipals yeran Bruselas, Anvers, Mechelen, Leuven, 's Hertogenbosch y Breda.

Toponimia[editar | editar código]

En os textos comercials escritos en Zaragoza en o sieglo XV se veye Barbant.[1] Tamién veyemos una referencia como Brabán en a traducción aragonesa d'o "Libro d'as Marabillas d'o Mundo":

hombre podria yr nauega(n)do / todo en tor el mu(n)do & de juso & de suso la quoal cosa yo p(r)ueuo assi segu(n)t lo q(ue) yo he ensayado / Car yo he seido vers las p(ar)tidas de braban / Et he Regoardado lastralabio q(ue) la trasmo(n)tana es .liij. grados dalto Et en alamayn(n)a / vers bohemia. eilla .lviij. Et mas aua(n)t / vers las p(ar)tidas de Septent(r)ion / eilla ha .lxij. g(r)ados dalto & algu(n)os mjnutos Car yo mesmo lo he mesurado a lestralabio

Historia[editar | editar código]

En l'anyo 1085 o fedo imperial pasó a o conte Henrique III de Leuven. Frederico I d'o Sacro Imperio Román Chermanico dito Barbarroya creyó o títol hereditario de duque de Brabant en 1183. Barbarroya lo atorgó por primera vegata a Henrique I de Brabant. En primeras yera un territorio mas chicot entre os ríos Zenne y Dender y os duques lo enamploron progresivament. Godofré I de Leuven, duque de Brabant adhibió o Marquesato d'Anvers, en 1106. Dende alavez, o marquesato esdevinió una unión personal d'o duque de Brabant. En 1200, Breda s'integró en o marquesato y por tanto a o ducato.

O Ducato de Brabant adquirió o país de Dalhem en 1244. Dimpués d'a suya victoria en a Batalla de Woeringen en 1288, s'adhibio o ducato de Limburgo y a senyoría de 's Hertogenrade y en zaguerías o país de Valkenburg en 1347, propiedatz «dillá d'o Mosa» visto dende a capital d'o ducato. En 1354, o duque Chuan III de Brabant atorgó una carta de libertatz a os ciudadans d'o suyo feudo. En 1430, o duque Felipe III de Borgonya heredó os ducatos de Limburgo; os Países dillá d'o Mosa y o Brabant. Dende alavez, o ducato fació parti d'a unión personal d'es Decisiet Provincias.

Dimpués de 1549 será un d'os Países Baixos espanyols y dende 1713 austriacos. A republica d'as Siet Provincias Unitas ocupó a parti septentrional que se convirtió en una tierra d'a Cheneralidat (que dende 1815 será a provincia d'o Brabant septentrional. En 1795, Francia anexionó o ducato que dimpués se convertirá en Departamento d'o Dyle y Departamento d'os dos Nethes.

Dimpués d'o Congreso de Viena y o Tractato de París, o ducato s'integró en o Reino Unito d'os Países Baixos.

En 1830 a parti meridional pasó a Belchica.

Lista de duques[editar | editar código]

Dinastía d'os Idulfingos, contes de Leuven[editar | editar código]

Os Países Baixos en 1477. Brabant amaneixe con o numero ueito

Dinastia borgonyona[editar | editar código]

Referencias[editar | editar código]

  1. J Angel Sesma, Ángeles Líbano Léxico comercial en Aragón (Siglo XV) Institución Fernando el Católico, 1982