Dreito Penal Internacional

De Biquipedia
Ir ta: navego, busca

O Dreito Penal Internacional ye a branca d'o Dreito Penal que estudeya y define os crimens internacionals y regula o funcionamiento d'os Trebunals Internacionals competents ta chuzgar a os individuos con responsabilidat churidica en ixos crimens, ta imponer as penas que corresponda. Ista branca ye una evolución d'o Dreito Internacional clasico, que nomás consideraba a os estatos como subchectos de Dreito Internacional.

Encara que bi ha atros precedents d'emplego, como dimpués d'a Primera Guerra Mundial, ye en 1945, dimpués d'a Segunda Guerra Mundial, quan s'alazetan os prencipios churidicos d'o Dreito Penal Internacional, con os clamatos Chudicios de Nuremberg.

Dende 1998, en a ciudat neerlandesa de Den Haag tien a suya seu o Trebunal Penal Internacional (u Corte Penal Internacional), o primer trebunal de chusticia internacional permanent.

Historia[editar | editar código]

Tratato de Versailles[editar | editar código]

Dimpués d'a Primera Guerra Mundial, o Tratato de Versailles teneba unas clausulas ta portar debant d'os trebunals de chusticia a os responsables de bells crimens comesos mientres a guerra. Sindembargo, o principal responsable d'ixos actos, o kaiser Guillén II, se refuchió en os Países Baixos, que li atorgoron asilo politico.

Chudicios de Nuremberg[editar | editar código]

Dimpués d'a Segunda Guerra Mundial, as potencias aliatas acordoron a clamata Carta de Londres u Estatuto de Londres d'o Trebunal Melitar Internacional, ta chuzgar os crimens comesos mientres a guerra por o nazismo en os países ocupatos: o chenocidio, os crimens contra a Humanidat, os crimens de guerra y os crimens contra a paz. Un trebunal similar se creyó ta os crimens chaponeses en Asia, o Trebunal Penal Melitar Internacional ta Estremo Orient.

Os Chudicios de Nuremberg celebratos con ixas premisas estioron a base d'o desembolique d'o Dreito Penal Internacional. Asinas, a Resolución 95 de l'Asambleya Cheneral de l'Organización d'as Nacions Unitas, d'11 d'aviento de 1946, reconoixeba os prencipios d'a Carta de Londres y tamién as sentencias d'os Chudicios de Nuremberg; ta o suyo desarrollo pretendeba a codificación d'un Codigo Penal Internacional y tamién d'establir un Trebunal permanent ta l'enchudiciamiento d'ixos crimens. Sindembargo, o trebunal permanent no fue establito.

Yugoslavia y Ruanda[editar | editar código]

A fins d'o sieglo XX se fació evident a necesidat d'un trebunal permanent, y se reactivó o intrés por o Dreito Penal Internacional, por a situación en Yugoslavia mientres as Guerras yugoslavas en 1991-2001 y as suyas importants violacions d'o Dreito Penal Internacional, pero tamién por o impacto social d'o chenocidio de Ruanda en 1994.

Como conseqüencia d'ixos feitos, en 1993 a Organización d'as Nacions Unitas establió un Trebunal Penal Internacional ta l'Antiga Yugoslavia, y en 1994 s'establió o Trebunal Penal Internacional ta Ruanda.

Antiparte, a Comisión de Dreito Internacional (u organo dependent d'a ONU) elaboró una normativa churidica que sirvió ta la sinyatura en 1998 d'o clamato Estatuto de Roma, por o qual s'establiba a Cort Penal Internacional.

Trebunals[editar | editar código]

Actualment, a más d'a Cort Penal Internacional, bi ha atros trebunals ta enchudiciar situacions concretas. Istos trebunals, creyatos ta casos ad hoc, son:

Crimens internacionals[editar | editar código]

Os principals crimens internacionals son: