Diocesi romana

De Biquipedia
Ir ta: navego, busca

Un diocesi romana u diocesi civil (en latín, "administración") yera una d'as divisions administrativas d'o Imperio román tardano, encomenzando en a tetrarquía. Formaba un libel de gubierno intermeyo que aplegaba unas quantas provincias y a l'inte yera subordinato a lo prefecto d'o pretorio.

Historia[editar | editar código]

O emplego d'a parabra diocesi como unidat administrativa amanixió en orient, en as rechions de parla griega. Os distritos de Cibyra, Apamea y Synnada fuoron anyaditos a la provincia de Cilicia en tiempos de Cicerón, que menciona o feito en as suyas cartas familiars (EB 1911). A palabra diocesi, que alavez equivaleba a un distrito p'a recolección d'impuestos, y remataría aplicando-se a lo mesmo territorio.

A diocesi esdevendría formalment una división territorial y administrativa d'o Imperio Román en tiempos d'a tetrarquía, baixo o emperador Dioclecián. Dividió o imperio en cuatre partitas, quedando cadaguna d'ixas inicialment dirichidas por un coemperador (un tetrarca). Manimenos, poco dimpués os territorios serían reorganizatos de nuevo.

Pa reducir a posibilidad que amanexesen usurpadors locals a la cadiera imperial,[1] pa facilitar una recaudación d'impuestos y de provisiones más eficient y pa aduyar a fer complir a lei, Dioclecián dobló o numero de provincias dende cincuenta dica quasi cien.[2] As provincias, d'igual traza, quedoron agrupatas en dotze diocesis, cadaguna d'ixas gobernata por un oficial dito o vicarius, que respondeba debant o prefecto d'o pretorio.[3] Beluna d'as divisions provincials habió de ser dividita, y fuoron modificatas u bien a principios de 293 u bien a principios d'o sieglo IV.[4]

Veyer tamién[editar | editar código]

Referencias[editar | editar código]

  1. Carrié & Rouselle, L'Empire Romain, 678
  2. Como veyemos en a Laterculus Veronensis u en a Lista de Verona, reprodueita por Barnes, New Empire, chs. 12–13 (with corrections in T.D. Barnes, "Emperors, panegyrics, prefects, provinces and palaces (284–317)", Journal of Roman Archaeology 9 (1996): 539–42). Se veiga tamién: Barnes, Constantine and Eusebius, 9; Cascio, "The New State of Diocletian and Constantine" (CAH), 179; Rees, Diocletian and the Tetrarchy, 24–27.
  3. Barnes, Constantine and Eusebius, 9; Rees, Diocletian and the Tetrarchy, 25–26.
  4. Barnes, Constantine and Eusebius, 10.