Diocesi de Sigüenza-Guadalachara

De Biquipedia
Ir ta: navego, busca
Diocesi de Sigüenza-Guadalachara
Dioecesis Seguntina-Guadalaiarensis
Diocesi d'a Ilesia Catolica
Diocesisdesiguenza.PNG
Diocesi de Sigüenza en verde fuerte
Capital Sigüenza
Entidat Diocesi
Superficie
 • Total

12.202 km²
Población
 • Total

224.076 hab.
Bispe
Seu bispal Seu de Santa María de Sigüenza
Parroquias
Fundación Reconquiesta

A diocesi de Sigüenza-Guadalachara ye una diocesi con seu en Sigüenza (Guadalachara) y en Guadalachara. Ye sufragania de l'Archidiocesi de Toledo. Antigament se diciba "diocesi de Sigüenza".

Historia[editar | editar código]

A diocesi de Sigüenza fue creyata poco dimpués d'a conquiesta de Calatayú, y o primer bispe, Bernal de Sigüenza fue consagrato o 26 d'aviento de 1121, actuando como prelato en mayo de 1122. En septiembre-octubre de 1136 un documento afirmaba que Calatayú, Penyalcázar, Olvega, Villafelich y Salas heban pertanyito a la ilesia de Sigüenza.

Dende 1136 dica o concordato de 1953 os bispes de Sigüenza teneban churisdicción en as poblacions aragonesas de Alconchel, Fariza, Bordalba, Cabrafuent, Embit de Fariza, Godollo, Mont-reyal de Fariza, Pozuel de Fariza, Sisamón y Torrefermosa, que heba conquiesto Alifonso lo Batallero entre os anyos 1120 y 1122. Dica o concilio de Burgos de 1136 tamién pertanyoron a la diocesi de Sigüenza las localidatz de Calatayú, Borobia, Penyalcázar, Olvega, Villafelich y Salas, que pasoron a la diocesi de Tarazona. Lo concilio de Burgos permitió que a diocesi de Sigüenza retenese as tierras de Fariza en Aragón y de Deza en l'actual Soria.

En 1955 se tornan a cambear as mugas diocesanas pa fer-las coincidir con as mugas provincials. A diocesi de Sigüenza cede l'arciprestato d'Ayllón, amplos territorios d'a provincia de Soria y l'aria de Fariza, y incorpora territorios d'a cuenca d'o Tacho, que perteneixeba a la diocesi de Cuenca y poblacions de La Campiña, L'Alcarria y la ciudat de Guadalachara, que pertanyeban a la archidiocesi de Toledo. Por Bula d'o Papa Chuan XXIII de 9 de marzo de 1959, pasa a denominar-se diocesi de Sigüenza-Guadalachara; a iglesia de Santa María de Guadalachara esdevién seu, (co-seu).

Bibliografía[editar | editar código]