Diocesi d'Urchel

De Biquipedia
Ir ta: navego, busca
Diocesi d'Urchel
Diœcesis Urgellensis
Diocesi d'a Ilesia Catolica
Mapa Bisbat d'Urgell.svg
Diocesi d'Urchel con os arciprestatos suyos
Capital Urchel
Entidat Diocesi
Superficie
 • Total

7.630 km²
Población
 • Total

223.987 hab. (2009)
Bispe Joan-Enric Vives i Sicília
Seu bispal Seu de Santa María d'Urchel
Parroquias 363
Fundación Sieglo VI

La diocesi d'Urchel ye una diocesi de Catalunya y Andorra con un bispe sufraganio de l'arcebispe de Tarragona.

La Ribagorza pertanyió a esta diocesi dica que Remón II de Ribagorza creyó en l'anyo 957 un bispato independient d'Urgell con seu en lo castiello de Roda. Con tot y con ixo bells lugars de l'actual Baixa Ribagorza oriental pertanyoron a esta diocesi tamién en la Edat Meya pero en un periodo posterior.

Lo 2 de mayo de 1140 los bispes Pero d'Urchel y Gaufrido de Roda pactoron las mugas entre las suyas diocesis en presencia de los contes Arnal y Artal de Pallars, Remón Pero d'Erill, los abatz de Tabernoles y Lavaix, los arciagnos de Roda y Urchel y de l'arcebispe d'Arlet, que feba de legato pontificio. D'alcuerdo con esta concordia pasoron a depender de la diocesi d'Urchel totas las localidatz a l'este d'o río Noguera Ribagorzana, (río que dimpués Chaime II aproveitará pa establir a muga entre Catalunya y lo Reino d'Aragón. Manimenos también pasoron a depender de la diocesi d'Urchel qualques localidatz a l'ueste d'este río que siempre han pertanyito a Aragón: Montanyana, Chiribeta, Areny de Noguera y las vals de la redolata de Senui.

En las Rationes decimarum Hispaniae (1279-80): Aragón y Navarra amaneixen dentro de la diocesi d'Urchel las localidatz de Entenza, Caladrons, Caserras, Finestras, Gabasa, Momegastre y Peralta de la Sal.

Los territorios més a lo sud en la redolata de Pilzán y Peralta de la Sal esdevinioron una entidat con seu en Valdellou dentro de l'arciprestato d'Ager y de la diocesi d'Urchel.

Antonio Ubieto Arteta suposa que las localidatz de la redolata de Camporrells pasoron a depender de Leida en la segunda metat de lo sieglo XIX y las atras en l'anyo 1955.

Bibliografía[editar | editar código]