Dintel
De Biquipedia
Un dintel ye un elemento estrutural orizontal que une un espazio libre entre dos apoyos. Ye o elemento superior que premite ubrir güecos en as parez ta formar puertas e finestras, soportando os materials d'a paret. Cuan ye construyito en piedra, puet estar monolitico (en una sola pieza) u construtito en barias piezas, con una clabe (platabanda).
[editar] Funzión simbolica d'o dintel
A dentrada en una casa u espazio ye important por a suya simbolochía, no nomás en edifizios ofizials u de culto sino tamién en atras edificazions particulars. Por ixo á sobent os dintels tienen decorazions con balor no nomás estetica sino tamién relichiosa, machica u proteutora d'o puesto. Tamién puet tener a calendata d'a construzión.
Á sobent o dintel ye construyito en un elemento más noble que a resta d'a paret, e tamién puet resaltar d'a paret por no estar cubierto por un estuco como ista.
[editar] Elements arquiteutonicos asoziatos
Un dintel puet estar a pieza que soporta o timpano, como en edifizios romanicos.
Denzima d'o dintel puet aber un arco de descarga ta descargar o peso d'a paret en o suelo a trabiés d'as chambas.
