Diapiro

De Biquipedia
Ir ta: navego, busca
Esquema de diapiros formatos en a cuenca d'o norueste d'Alemanya.

Un diapiro ye una estructura cheolochica en a que un material de comportamiento plastico u dúctil situato en libels inferiors ye sozmeso a gran presión y puya foratando os materials que bi ha en capas superiors. Asobén os diapiros se forman en plegos anticlinals quan en o nuclio bi ha un material ductil capaz de puyar a traviés d'as fracturas que se forman en os materials tiercos que lo embolican. Ixos materials gosan estar evaporitas, pero tamién pueden estar archilas.

Os diapiros pueden representar una fuent de recursos cheolochicos por l'halita, silvina u cheso que bi ha u por a trampa petrolifera que constituyen en estar as archilas y evaporitas materials impermeables que no deixan puyar o petrolio.

Tamién pueden representar un risgo cheolochico tanto por un abombamiento d'a superficie quan o material puya, como por una subsidencia u sulsita quan se disuelven as sals y chesos d'o diapiro, podendo producir-se colapsos. En os dos casos se produce una inestabilidat d'as construccions.

En o Sistema Iberico y Pireneus bi ha diapiros en plegos anticlinals con as archilas, salagons y chesos de facies Keuper en o nuclio. Un d'os diapiros mes espectaculars d'Aragón ye La Olla Espartera[1], formau amán de Moneva por chesos de facies Keuper que han trescurzau a las calsineras y dolomías de libels superiors.

Referencias[editar | editar código]

  1. María Blasco Lázaro, Red natural de Aragón. nº 6, Campo de Belchite Prames, 2006.

Bibliografía[editar | editar código]