Descusión:Mallacán

Contenido de la página no disponible en otros idiomas.
De Biquipedia

Creigo que lo títol principal de Mallacán no ha d'estar una colla de rock, porque historicament en lo mundo de l'aragonés ye la existencia d'este grupo de rock ye recient, encara que talment siga lo primer grupo de rock. Un mallacán como horizont petrocalcico ye una realidat que los labradors aragoneses han conoixiu historicament, ye un concepto tradicional, lo concepto que orichinariament poseye l'orichen d'entre los dos, y d'a on sale lo nombre d'este grupo "mallacán" como horizont petrocalcico habría de tener lo nombre orichinal, se'n puede fer un articlo extenso si se quiere (ye un tema important en edafolochía agricola) y puet tener mes interwikis que no "mallacán" como colla de rock. Lo expresé en la discusión de puyalón, pero en puyalón si que ye verdat que dificilment se fará un articlo con conteniu como si que se puet fer con mallacán (horizont petrocalcico).--EBRO (discusión) 06:00 13 may 2013 (UTC)[responder]

Sí, pero en una enciclopedia s'ha d'atender a atros criterios tamién ta trigar un articlo como prencipal u no, por eixemplo l'uso. En iste caso se fa servir muito mas a parola ta o grupo que ta la roca y o 99% d'a chent que dentre buscando "mallacán" querran veyer l'articlo d'o grupo. Alavez estoi que ye mas funcional tener mallacán y puyalón como articlos prencipals d'a colla de rock y formación politica que no de l'atro significato, encara que sía l'orichinal. Ye un tema mas practico que no atra cosa... pero si tos pareixe que ye millor a o ravés se puet cambear. --Willtron (?) 09:37 14 may 2013 (UTC)[responder]
Y fer que Mallacán siga una pachina de desambigación? Sería muit instructivo, pa qui entrase. En tot caso, poca chent mirará dreitament un termen escribindo o titol. Estoi que a chent dentra mas bien por os buscadors (ye una percepción, igual m'entivoco).--Juan Pablo (discusión) 10:06 14 may 2013 (UTC)[responder]
Pero ye que en l'aragonés dende fa sieglos un mallacán ye una cosa que fa part de la vida tradicional, de la cultura aragonesa y un grupo de rock ye una cosa puntual y recient, y lo que mira un segmento d'edat muito concreto que no son viellos labradors que han mallau lo mallacán. Pro que si que la chent chóven mira mas informacions en lo rete sobre conchuntos musicals que sobre conceptos agricolas, pero no veigo que deixen d'estar los títols principals marea en wikis vecinas. Yera pensando en beetle u kink, pero n'estos casos los grupos de rock son en plural y no bi ha problema en la wiki anglesa. Mallacán ye un concepto agricola y de cheografía fisica a qui los edafologos espanyols li dan importancia, bi ha extensos libros y articlos sobre mallacans, ye un concepto anterior a la existencia d'este grupo de rock y li será posterior. De seguro que quan yera de moda la colla Mago de Oz teneba mes busquedas en lo google que no lo libro de Mago de Oz. Si por eixemplo existise un articlo sobre lo 69 y atro sobre 69 (practica sexual) de seguro que mes chent ye mirando en lo google lo segundo que no lo sieglo 69 u la zifra 69, pero no por ixo li damos la preferencia. Creigo que posar lo títol mallacán sin parentesis testimonia y rechistra millor la cultura aragonesa milenaria u muito-centenaria y la naturaleza de la luenga aragonesa, cultura de la que salen los cantants d'este grupo de rock en aragonés, que representan una faceta recient de la cultura que reflecta esta cultura.--EBRO (discusión) 09:12 15 may 2013 (UTC)[responder]