Descusión:Estomago

Encara que haiga puesto existir a parola estomaco en aragonés central a l'egual que lo verbo estomacar, lo cierto ye que no la trobo ni en belsetán ni en atras variants d'aragonés, y no sale en o Endize de vocables. Las solas variants que conoixco son estomago-estómago (plana-esdrúixola) y estomago-estomogo.--EBRO (discusión) 16:32 6 avi 2013 (UTC)

Si en lo diccionario de Martínez Ruíz sale estomaco ye porque en lo diccionario d'Andolz sale estamaco. Manimenos la localidat de referencia ye F mayuscla, A Fueva, que no ye un punto d'especial conservación de la sorda intervocalica latina K de -ACUS. Ni lo estudeo sobre lo fovano de Fernando Romanos y Fernando Sánchez confirman que en A Fueva se diga estamaco, y no se documenta en garra parla mes conservadera de l'aragonés central, asinas que dudo que d'existir siga un caso de conservación, puet estar mes probable una analochía con parolas con sufixo -aco < latín -ACCU (verraco, monyaco), con cierta capacidat pa creyar formas analochicas en aragonés (limaco < LIMACIS, farnaca < arabe harnaq). Ye como en benasqués que se documenta lo verbo estomacar mientres que en aragonés cheneral este verbo ye estomagar y creigo que ha puesto influir lo infixo -ac- que presenta bell verbo y que s'haiga estendillau a estomagar.--EBRO (discusión) 11:28 8 avi 2013 (UTC)