Descusión:Alfama d'Aragón

¿Por qué esfetz os cambeo que yo foi? Yo he estau o primer en escribir ista pachina sobre Alfama d'Aragón. No sé d'ixa manía que tenetz de cambear as rematanzas d'os partizipios pasaus. Si yo las escribo en -au -ada ¿Por qué las cambeatz? Bi ha garra norma que diga que asinas ye mal?

No ye mal, ye bien, pero cal uniformar en un mismo articlo, si quiers meter rematanzas en -au, -ada puez cambear-las totas as que aparixen en l'articlo. De totas formas si bel usuario mete nueba informazión e le cuaca más u gosa escribir rematanzas -ato, -ata tamién puet cambear-las, anque aberba de respetar as que i son mesas. --Willtron (?) 18:31 28 chl 2008 (UTC)

D'alcuerdo. Me cuacaría que dixasen os partizipios que yo he escrito tal y como yo los eba meso. Grazias.

Cheolochía

No soi d'alcuerdo con l'interpretación de l'orichen d'o termalismo en Alhama. As auguas termals provienen de altas profundidatz, sí, manimenos ixas auguas no provienen d'ixe anticlinal sino d'a rama castellana d'o Sistema Iberico, que atravesando a Cuenca d'Almazán o Cuenca d'Alfama d'Aragón a altas profundidatz aproveita d'ixos estratos calcareos permeables d'o Cretacico superior que son verticals ta puyar enta la superficie.

En cualsiquier wikipedia a qüestión no ye estar d'alcuerdo u no estar-ne, sino que ye de presentar referencias que puedan corroborar ixo que se diz. Asinas, si as auguas termals d'Alfama provienen de bell puesto, nomás cal indicar qualo autor diz ixo, en qual obra y en quala pachina. --Manuel Trujillo Berges 23:17 17 chul 2010 (UTC)

Yelamos. J.G. y Sanz Pérez, E. (1988) Hidrogeología regional del acuífero cretácico de los manantiales termales de Alhama de Aragón (Zaragoza y Soria) Rev.Soc.Geol.España,11(1-2). P.155

Bueno, ya ye adibito o texto con a referencia, se fa con as sinyals "< ref >" XXX "< /ref >". Només dicir que en principio os relleus de l'anticlinal d'Alfama pertanyerían a la branca castellana, branca d'o sistema iberico central a l'ueste y sur d'a fosa de Calatayu-Teruel, y n'este punto no bi habría contradicción entre as dos explicacions, ¿ no ?.--EBRO 19:01 20 chul 2010 (UTC)

Gracias Ebro. A viyer, l'anticlinal d'Alfama perteneix a la branca aragonesa. A branca aragonesa ye dividida en 2 bloques por a fosa de Calatayub: O bloque de Calatayub (Dende Calatayub dica Ricla) y o bloque de Ateca (Dende Ateca dica Alfama) Dimpues tenemos a Branca castellana que va dende o suroeste de Soria dica Albarracín, pues bien. Ye en ixa rama, que ye separada de l'aragonesa por a Cuenca d'Alfama o Almazán, por aon s'infiltra l'augua. Prou que sí que por a zona d'Alfama se infiltrarán auguas, manimenos, o caudal que representaría ixa infiltración sería mínimo contimparando-lo con o caudal que aflora en os manantiales, por o que a zona de recarga ha de estar muito más gran que Alfama y as auguas han de pasar a altas profundidatz ta que se calienten.

He cambeyau "pa que se caliente por o gradient cheotermico" por "fendo que se caliente por o grandient cheotermico". Asinas creigo que tien más sentíu. As auguas se calientan por o gradient cheotermico pero no lo fan intencionalment como pareix que se interpretava fendo servir o "pa".