Depresión de l'Ebro

De Biquipedia
Ir ta: navego, busca
A depresión de l'Ebro en Zaragoza

A depresión de l'Ebro dende o punto de vista estratigrafico ye una cuenca d'antepaís que se fundió quan se plegoron os monts Pirineus. Dende o punto de vista cheofisico ye una "plataforma". Corresponde en part a lo que se conoix como Val de l'Ebro.

A cuenca d'antepaís se plenó de sedimentos terciarios, procedents d'a erosión d'o Sistema Iberico y, sobre tot, d'os Pirineus. En o centro evaporiticos (chesos) y en as marguins terrichens (archila, arenas, ruellos de glera). En o Miocén superior yera plena de tot, y sedimentoron as piedras calsineras pontienses d'as muelas d'o sector central (Sierra d'Alcubierre por eixemplo) y empecipió l'apertura enta a mediterrania. S'orichinó o proto-Ebro, y empecipió a erosión d'os materials terciarios, quedando as piedras calsineras pontienses y bells almendrons d'o Baixo Aragón como parte alta en as zonas menos erosionatas en os puestos entre dos ríos, (plataformas estructurals y pueyos testigo).

L'aria marguinal gosa estar más alta que o centro. L'aria marguinal norte d'a Depresión de l'Ebro ye o Semontano Pirenaico, y l'aria marguinal sud o Semontano iberico, que no ye tan bien definito.

O clima ye mediterranio semiarido continentalizato en o sector més central (Monegros, Bardenas, etz...) pero en os semontanos no ye tan seco.