Cornella
De Biquipedia
| Cornella | ||||||||||||||||
|---|---|---|---|---|---|---|---|---|---|---|---|---|---|---|---|---|
 Cuerba (Corvus corone) |
||||||||||||||||
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Corvus corone | ||||||||||||||||
| Linnaeus, 1758 | ||||||||||||||||
 Destribuzión d'as cuerbas per o mundo |
A cornella (Corvus corone (L., 1758)), tamién dita cuerba u corbiella, ye un muixón d'a familia d'os corbidos més chicot que no lo cuerbo, anque semilar en as formas e colors suyas. A cuerba ye un au de color negra con cualques brilluras metalicas en as plomas, anque mientres de mutos años s'eba considerato que una espezie semilar, Corvus cornix, que se puet trobar en l'este d'Europa, yera una sozespezie suya con unas colorazions diferentas, a muderna re-clasificazión d'ixa altra espezie ha deixato la Corvus corone como la unica forma descrita d'iste animal.
A més gran parte d'os abistamientos de "cuerbos" que se gosan fer en a Peninsula Iberica son reyalment d'iste animal que per cuentas d'os berdaderos cuerbos (Corvus corax) son prou més abundants, anque la suya mida ye inferior. Ixemplo d'isto ye la denominazión popular d'o cuerbo "de berdat" en Aragón, que se'n diz cuerbo masclo, ta diferenziar-lo d'ista espezie més chica, d'a cuala se'n clama cuerba talment per una confusión popular que ha feito que ta muita chent ista se considerase la fembra de l'altro animal, cuan reyalment son dos espezies diferents.
.jpg)
A cuerba zenisosa d'a Europa de l'este, Corvus cornix, yera antigament considerata una sozespezie u bariedat cheografica d'a cuerba oczidental (dita alabez Corvus corone cornix) dica que en o 2002 estió re-clasificata abendo per fin una denominazión como espezie propia. Ixe altro animal tien as plomas d'o peito, espalda e coda de color grisa, per cuentas de tot o cuerpo negro como en a cuerba oczidental.
A cuerba fa uns 50 - 55cm de lonchitut e se puet trobar dende la frontera atlantica de cuasi tot o continent europeu enta las mugas interiors de Polonia e Austria, estando-ne es Alpes a suya muga més oriental per o sur. Amanixen poblazions tamién en l'estremo més oriental d'Asia d'animals que bels ornitologos consideran una sozespezie, dita Corvus corone orientalis, que abita os territorios ta lo norte de l'Himalaya de Rusia enta Chapón. D'entre ixas dos arias se troba l'aria de destribuzión d'a Cuerba zenisosa. Gosan mober-se en collas de poquez indibiduos, manifestando per un regular conductas prou rudiosas, clamando-se cheneralment de forma repetitiba d'entre os miembros d'o grupo, e permanixendo carauteristicament un d'els á l'alto de bel puesto elebato agüellando posibles periglos mientres a resta d'o grupo s'alimenta.
[editar] Enrastres externos
Se beigan as imachens de Commons sobre cornella.
Biquiespezies tien un articlo sobre cornella.- A grallata d'o Corvus corone (Archibo de sonito)
