Covacha

De Biquipedia
Ir ta: navego, busca
Covacha en Thaurac.

Un covacho, covarcho[1], covacha u covarcha[2] ye una espluga natural poco profunda u una concavidat rocosa a on presonas u animals pueden cubillar-se. Se troba en paretz rocosas, asobén en a suya parte baixa.

As covachas se forman quan un estrato resistent a la erosión y lo desgaste por l'orache, (por eixemplo a piedra d'arena u l'almendrón), ha formato un cinglo, pero un estrato més tovo, més susceptible a la erosión y a la meteorización, queda debaixo, y d'esta traza talla o cinglo.

Se'n troba asobén en macizos de roca calsinera karstificatos, on se van escarvando a escala de tiempo cheolochico a traviés d'as chelatas, o deschelo, a més d'a disolución. A presencia de covachas ye menos freqüent en rocas volcanicas como o basalto.

O mesmo fenomen escayeixe en os saltos d'augua, y de feito muitas covachas se troban debaixo d'os saltos d'augua.

Muitos chacimientos arqueolochicos s'han formato en covachas porque os hombres prehistoricos i trobaban un teito natural. O uso que en feban os hombres prehistoricos podeba estar pa cutio (habitat, sepultura), ocasional (campamento estacional, cubillar, taller, parata en una partita de caza).

En zonas montanyosas poco habitatas os montanyers pueden trobar en una covacha un cubillar.

Referencias[editar | editar código]

  1. (es) Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 262
  2. (es) Fernando Blas Gabarda, Fernando Romanos Hernando: Diccionario Aragonés: chistabín-castellano. (Bal de Chistau). Gara d'Edizions, 2008, pp 159-160.