Costa Occidental de Cantabria

De Biquipedia
Ir ta: navego, busca
Costa Occidental de Cantabria
Comarca de Cantabria
Puente de San Vicente.jpg
Puent de San Vicente de la Barquera
Capital
 •Municipios
San Vicente de la Barquera
8
Entidat
 •País
Comarca
Flag of Cantabria.svg Cantabria
Superficie
 •Total

317,84 km²
Población
 •Total
 •Densidat

20.192 hab.
63,52 hab./km²
Comarca de la Costa Occidental.PNG
Mapa de situación en Cantabria

A Costa Occidental de Cantabria ye una d'as comarca de Cantabria. Tien un caracter urbán y ye de tendencia toristica. Como lo suyo propio nombre indica, ista comarca s'extendilla por o litoral de l'ueste d'a comunidat autonoma, dende a muga con o Asturias, en a desembocadura d'o río Deva, dica lo municipio de Santillana del Mar; encara que istas mugas pueden variar seguntes a fuent, ya que ista comarca, como a resta de las de Cantabria, no ye regulata pero poseye bells elementos caracteristicos comuns a totz os municipios que la forman. Ista zona conta con grans activos toristicos como son a placha, naturaleza, gastronomía y cultura.

D'os municipios que la forman, son Santillana del Mar, Comillas y San Vicente de la Barquera los que más renombre tienen y por tanto son os prencipals destins toristicos, tanto en a comarca como en Cantabria. En a comarca occidental desauguan dos d'os ríos más luengos de Cantabria: o Deva y o Nansa amás d'o río Escudo. Amás d'as numerosas plachas, podemos trobar o Parque natural d'Oyambre y la Montanya Corona. Como s'ha dito, destaca la cultura en a zona, ya que en bells poquetz kilometros se concentran a Cueva y Museu d'Altamira, o Zoolochico y Chardín Botanico, a Colechiata en Santillana del Mar. Y en Comillas se troba o Palacio de Sobrellano, a Universidat Pontificia de Comillas (actualment recuperando-se o Campus Comillas) y o Capricho de Gaudí. L'occident cantabro ye una comarca más que más toristica que, a lo contrario que l'orient, s'ha mantenito sin construcción masiva debito a la tardanza en a construcción de l'Autovía d'o Cantabrico.

A población total d'a comarca ye de 20.192 habitants, seguntes datos de l'INE de l'anyo 2006 (se veiga la tabla). Seguntes os datos d'o mesmo anyo, os suyos tres nuclios más poblatos, de mayor a menor, son: San Vicente de la Barquera (4.491), Santillana del Mar (3.983) y Val de San Vicente (2.670). Y os suyos tres nuclios menos poblatos, de menor a mayor, són: Ruiloba (762), Udías (843) y Valdáliga (2.414). A tamas de que ya existe una lei de comarcalización de Cantabria, ista encara no ha estato desembolicata por tanto a comarca no tien entidat oficial[1]

Referencias[editar | editar código]

  1. Lei 8/1999, de 28 d'abril, de comarcas d'a Comunidat Autonoma de Cantabria [1]


Municipios d'a Costa Occidental de Cantabria
Alfoz de Lloredo | Comillas | Ruiloba | San Vicente de la Barquera | Santillana del Mar | Udías | Val de San Vicente | Valdáliga


 
Comarcas de Cantabria
Bandera de Cantabria
Asón-Agüera · Besaya · Campoo-Los Valles · Costa Oriental · Costa Occidental · Liébana · Saja-Nansa · Santander · Trasmiera · Vals Pasiegas