Corvus corone

De Biquipedia
Ir ta: navego, busca
Cornella
Cuerva
Cuerva (Corvus corone)
Estato de conservación
Status iucn2.3 LC.svg
Seguro.
Clasificación scientifica
Dominio: Eukaryota
Reino: Animalia
Filo: Chordata
Clase: Aves
Orden: Passeriformes
Familia: Corvidae
Chenero: Corvus
Especie: C. corone
Nomenclatura binominal
Corvus corone
Linnaeus, 1758
Poblacións de Corvus corone en o mundo
Distribución d'as cuervas per o mundo

A cornella (Corvus corone (L., 1758)), tamién dita cuerva u corviella, ye un muixón d'a familia d'os corvidos més chicot que no lo cuervo, anque semilar en as formas y colors suyas. A cuerva ye un au de color negra con qualques brilluras metalicas en as plomas, anque mientres mutos anyos s'heba considerato que una especie semilar, Corvus cornix, que se puet trobar en l'este d'Europa, yera una subespecie suya con unas coloracions diferentas, a muderna re-clasificación d'ixa altra especie ha deixato la Corvus corone como la sola forma descrita d'iste animal.

A més gran parte d'os avistamientos de "cuervos" que se gosan fer en a Peninsula Iberica son realment d'iste animal que per cuentas d'os verdaderos cuervos (Corvus corax) son prou més abundants, anque la suya mida ye inferior. Eixemplo d'isto ye la denominación popular d'o cuervo "de verdat" en Aragón, que se'n diz cuervo masclo, ta diferenciar-lo d'ista especie més chica, d'a quala se'n clama cuerva talment per una confusión popular que ha feito que ta muita chent ista se considerase la fembra de l'altro animal, quan realment son dos especies diferents.

A cuerva occidental (dezaga) y la cuerva cenisosa (debant).

A cuerva cenisosa d'a Europa de l'este, Corvus cornix, yera antigament considerata una subespecie u variedat cheografica d'a cuerva occidental (dita alavez Corvus corone cornix) dica que en o 2002 fue re-clasificata tenendo per fin una denominación como especie propia. Ixe altro animal tien as plomas d'o peito, espalda y coda de color grisa, per cuentas de tot o cuerpo negro como en a cuerva occidental.

A cuerva fa uns 50 – 55 cm de lonchitut y se puet trobar dende la frontera atlantica de quasi tot o continent europeu enta las mugas interiors de Polonia y Austria, estando-ne es Alpes a suya muga més oriental per o sud. Amaneixen poblacions tamién en l'estremo més oriental d'Asia d'animals que bells ornitologos consideran una subespecie, dita Corvus corone orientalis, que habita os territorios ta lo norte de l'Himalaya de Rusia enta Chapón. D'entre ixas dos arias se troba l'aria de distribución d'a Cuerva cenisosa. Gosan mover-se en collas de poquetz individuos, manifestando per un regular conductas prou rudiosas, clamando-se cheneralment de forma repetitiva d'entre os miembros d'o grupo, y permaneixendo caracteristicament un d'ells a l'alto de bell puesto elevato agüellando posibles periglos mientres a resta d'o grupo s'alimenta.

Vinclos externos[editar | editar código]