Corral

De Biquipedia
Ir ta: navego, busca
Iste articlo tracta sobre o corral, recinto a on se zarra animals en os poblaus. Ta atros usos de «corral» se veiga Corral (desambigación).
Una muller les da grano a las gallinas d'un corral.

Un corral ye un recinto a on que se zarra animals domesticos ta o suyo mantenimiento, en as inmediacions d'una casa u belatra construcción, quasi siempre en o interior u os arredols d'una población.

O corral puede quedar delimitau por paretz, por baranas u por belatras construccions que i haiga arredol. En l'actualidat ye freqüent que s'emplegue baranas de tela metalica ta zarrar-los, especialment quan os animals que i ha son de mida chicorrona (gallinas, conillos, pavos) y brincarían por d'entre as latas d'una cleta u cercau si tenese unatra forma.

En l'Alto Aragón ye muit freqüent, sobre tot en as casas antigas, que o corral se comunique obierto con a quadra u con as zolles (que tamién freqüentment son en os baixos de a casa), de forma que se facilita a dentrada y a surtida d'os animals quan les vaga, y que disposen de cubillo contra l'orache.

Imáchens[editar | editar código]

Vinclos externos[editar | editar código]