Corona d'Aragón
- Iste articlo tracta sobre a Corona d'Aragón. Ta atros emplegos se veiga Aragón (desambigación).
| Corona d'Aragón Corona Aragonensis Corona d'Aragó |
||||
|---|---|---|---|---|
|
||||
|
||||
 |
||||
| Capital | Zaragoza | |||
| Idioma oficial • Atros idiomas |
Aragonés, catalán y latín castellán, sardo, napolitano, secilián, occitán y griego |
|||
| Relichión | Catolica | |||
| Gubierno | Monarquía | |||
| Rei • 1164 - 1196 • 1700 - 1746 |
Alfonso II Felipe IV |
|||
| Superficie • 1443 |
250 000 km² |
|||
| Población • 1443 est. Densidat |
300000 hab. 1,2 hab/km² |
|||
A Corona d'Aragón estió un estato desapareixito que abracaba a lo conchunto d'hombres y territorios que estieron chusmesos a la churisdicción d'o rei d'Aragón, de 1134 a 1714. O nombre s'aplica historicament dende a unión dinastica d'os reis d'Aragón y os contes de Barcelona. Dimpués, por conquistas de nuevos territorios, ista corona encluyirba atros dominios: Reino de Mallorca, Reino de Valencia, Reino de Secilia, Reino de Corcega, Reino de Cerdenya, Reino de Nápols, Ducato d'Atenas, Ducato de Neopatria y atros.
A numeración d'os monarcas varía, en función d'o territorio a lo que se fa referencia: asinas, Pero IV d'Aragón, ye Pero III de Barcelona.
Contenius |
A formación d'a Corona d'Aragón [editar]
A Corona tien o suyo orichen en a unión dinastica entre o Reino d'Aragón y o condato de Barcelona, en o matrimonio entre Peironella d'Aragón y Remón Berenguer IV de Barcelona que se fació en Balbastro.
Luengas [editar]
I heba muita diversidat linguistica. En cada territorio y cada sieglo as luengas yeran unas u atras (arabe, aragonés, basco, catalán, griego, occitán, sardo, luengas d'Italia). As luengas vernaclas podeban tener bel emplego oficial u escrito, pero o latín yera a luenga que teneba más prestichio. A nivel más cheneral, en puestos como cancillería reyal en o sieglo XIV presonaches como Bernat Metge escribiban en latín, catalán y aragonés.
En as relacions epistolars con soberans d'atros países s'emplegaban diferents luengas:
- L'idioma diplomatico yera o latín, y en ell s'escribiba a totas as cortz, en especial a las d'Anglaterra, Francia, y a las d'Italia. Con os infidels se prescinde d'o latín.
- O Papa recibe, a más bella misiva en catalán.
- Con o rei de Francia tamién se corresponde en francés.
- Con os de Castiella y Portugal en aragonés, que os escribans tienden a castellanizar a posta (una especie de castellán intencional con fuerte radiz aragonesa).
- L'aragonés s'emplega tamién con os monarcas de Granada y Marruecos.
- Con o Soldán de Babilonia (O Cairo) y o rei d'Armenya se prefiere o catalán.
Veyer tamién [editar]
Vinclos externos [editar]
| Corona d'Aragón |  |
|---|---|
| Aragón | Atenas | Catalunya | Cerdenya | Mallorca | Nápols | Secilia | Neopatria | Senyoría de Montpeller | Valencia | |
