Cornualla (Bretanya)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Cornualla
Bro-Kernev
Provincia de Bretanya
Bandera
Entidat
 • Estato
 • País
Provincia
Francia
Bretanya
Capital Kemper
Superficie
 • Total

5 979 km²
Población
 • Total (2007)

475 233 hab.
Creyación 865

A provincia de Cornualla en Bretanya

Cornualla (en bretón Kernev, Bro-Kernev, en francés Cornouaille) ye una d'as comarcas tradicionals ("países", en bretón broioù) en que se dividiba l'antiga Bretanya. O suyo nombre fa referencia a o país de Cornualla, en a Gran Bretanya, con o que no s'ha de confundir (d'a mesma traza que Devon feba referencia a l'antiga Dumnonia). Tien una superficie de 5.979 km² y una población de 456.307 habitants seguntes o censo de 1999, y agrupa 218 municipios. O suyo prencipal centro y capital ye a villa de Kemper

Seguntes se creye, o nombre quereba decir o cantón d'os foranos, y feba referencia a l'acantonamiento que i tenioron os celtas por parti d'anglos y saxons. Ta mirar d'esfensar as costas d'a Galia d'as incursions d'os corsarios escotos y saxons, d'o 287 a o 293 Carausius y Alecto organizoron un territorio deseparato en as costas d'a mar d'a Manga tal evitar os ataques, pero Constancio I la tornó a l'Imperio Romano. I viviban os osismii, pueblo celta, pero en o sieglo VI o territorio fue colonizato intensivament por britans procedents d'as islas. Ya lo heban intentato mientres o reinato de Valentinián I en 370.

A Cornualla armoricana se documenta por primera vegata y indreitament entre 852 y 857 cuan «o bispe de Saint-Corentin», Anaweten, ye cualificato de cornugallensis (derivato latín de Cornugallia). Mientres o sieglo IX fue un contato feudal y a sobén recibió o nombre de Poher, pero una vegata s'unificó o Ducau de Bretanya o poder politico pasó a l'arcebispe de Kemper. Cuan en 1791 se fació a nueva división en departamentos, fue repartita entre os de Mor-Bihan y Costas d'Armor.

Toponimia[editar | modificar o codigo]

En aragonés se documenta iste toponimo referindo-se a la merluça de Cornualla[1] en textos provinients de Chaca.

Referencias[editar | modificar o codigo]


 
Provincias de Bretanya
Cornualla | Gwened | Leon | Naoned | Roazhon | Sant-Brieg | Sant-Maloù | Treger | Zol