Conoiximiento

Personificación d'o conoiximiento (en griego Επιστημη, Episteme) en a biblioteca de Celsus en Efeso, Turquía.

O conoiximiento u conoixencia ye o conchunto de datos, conceptos y practicas arredol d'una materia u asunto, un sinonimo de saber. Tamién se puet entender como as informacions y verdatz obtenitas a partir d'a realidat u de l'amostranza d'un mayestro.

Ta la sciencia, ye o resultato de l'aplicación d'a razón y o metodo experimental a lo estudeyo d'a realidat. Ta la psicolochía, ye o contenito d'a mente, lo que ye fruito d'un proceso d'aprendizache, y por tanto incluye tamién a experiencia vital y as creyencias, no nomás d'os datos empiricos y alto u baixo obchectivos.

A epistemolochía ye a branca d'a filosofía que s'ocupa d'o estudeyo d'o conoiximiento: qué ye y cómo s'obtiene. S'asume que o conoiximiento s'organiza d'una manera determinata en o cerebro y ista estructura en modifica la percepción y a interacción con o mundo.

O saber ye o conchunto de conoiximientos que producen un pensamiento contino d'alcordanzas d'os conoiximientos adquiestos a lo largo d'o tiempo.

En o "Libro d'o Trasoro" li dedican o capítol 68 d'o libro III: "de conoxencia":

Conoxencia es a conoxer e departir las virtudes de los vicios que han senblança de virtudes; e de esto nos conujene guardar, por que muytas vezes, asi como Senecha dize, los vicios entran jus el nonbre de virtudes...