Comunidat de Teruel

Comunidat de Teruel
Comarca d'Aragón
Aguatón
Capital  •Municipios	Teruel 46
Entidat  •País  •Provincia	Comarca  Aragón Teruel
Superficie  •Total	2.791,6 km²
Población  •Total  •Densidat	43.273 hab. 15,5 hab./km²
Mapa de situación en Aragón

A Comunidat de Teruel ye una comarca situata en a provincia de Teruel. Coincide en nombre con l'antiga Comunidat de Teruel, que s'estendillaba tamién por tierras de Gúdar Chabalambre y por bells lugars d'as Cuencas Meneras.

• Capital: Teruel
• Superficie: 2.791,6 km²
• Población: 43.273 habitants

Cheografía fisica

A comunidat de Teruel ye situata principalment en una fosa tectonica y as sierras d'a redolata (Palomera, Pobo, ecetra...). Esta fosa tectonica recibe a denominación de Fosa d'Alfambra por o menos a lo norte de Teruel, ciudat on l'Alfambra desemboca en o río Guadalaviar, río més important que provién d'a Sierra d'Albarracín y que manimenos sigue a mesma dirección de l'Alfambra enta o sud. Por convención bells cheografos decidioron dicir Turia a la unión d'estos dos ríos, sin parar cuenta en a tradición toponimia aragonesa.

Una part d'a Comunidat de Teruel corresponde a la Fosa d'o Xiloca.

Mugas

Muga a lo norte con as comarcas de Xiloca y Cuencas Meneras, a l'ueste con a Sierra d'Albarrazín, a l'este con Mayestrato y Gúdar-Chabalambre y a lo sud con Cuenca.

Economía

A economía tradicional de bells lugars d'a Comunidat se basaba en a ganadería transuant y en o cautivo de pereras en a ribera de l'Alfambra y Guadalaviar, ribera actualment ocupata por choperas.

A industria en a comarca se concentra principalment en a suya capital, Teruel, ciudat con muita población chubilata y con muitos funcionarios. En as atras poblacions d'a comarca destaca la ganadería, gracias a la elavoración de pernil con denominación d'orichen. Tamién son importants ta la suya economía o turismo, actualment, que ha recibito un buen empentón con a creyación d'o Parque Paleontolochico de Galv y o parque tematico Dinopolis.

Se veiga tamién

• Lista de molimentos d'a Comunidat de Teruel.