Combustible fósil
De Biquipedia
Os combustibles fosils son aquellos combustibles orichinatos por a fosilizazión de materia organica.
En o prozeso de fosilizazión, debito á zircunstanzias ambientals com a ipocsia, ista materia organica no se degrada por l'azión d'os microrganismos ta formar diocsido de carbonio (CO2) e augua (H2O), sino que se forman moleculas organicas más complexas, a enerchía d'as cualas ye la que s'aprofeita en emplegar-los como combustible.
Autualment os combustibles fosils se consideran contaminants, porque a suya combustión desprende gases d'efeuto imbernadero, que son radioautibos en o sentito que absorben fotons d'alta enerchía e desprenden fotons de baxa enerchía, ye dezir, infrarroyos.
En puestos concretos d'a Tierra se puede trobar a enerchía solar que diferents organismos bibos absorbioron fa millons d'años. Istos grazias á un prozeso complexo de transformazión s'han combertito en os combustibles fosils que s'usan autualment entre d'atras cosas ta otener enerchía termica. Por tanto se puet dezir que a fuent d'enerchía son os combustibles fosils, o carbón, petrolio e gas natural. Encara que probienen de l'azión solar, no son enerchías renobables porque amenistan muitos millons d'años e una eboluzión parexita ta otener-los de nuebo de traza natural.
