Codonyate
| Codonyate |
||
|---|---|---|
 Codonyate. |
||
|
|
||
| Orichen: | Peninsula Iberica | |
| Se mincha en: | Toda Espanya y Portugal, tamién en Chile, Archentina y Uruguay | |
| Categoría: | Confitura | |
|
|
||
| Ingredients: | Codonyos, augua y zucre. | |
O codonyate ye un producto dulce de confitura elaborau con a carne (mesocarpio) d'os codonyos, muit popular en toda Espanya y Portugal, y que en Aragón tiene especial tradición en o Baixo Aragón y a val de l'Ebro.
Contenius |
Elaboración [editar]
O codonyate se produce con a pulpa (mesocarpio) d'os codonyos, una vegada se les saca la pela y o ruello central, cueta a partes iguals con zucre y augua. A mescla ha de contraciar-se quasi de perén mientres cosa d'una hora, dica que o codonyo pierde la forma y se torna una pasta bullent.
A pasta elaborada, quasi liquida en primeras, se deixa refridar en un recipient que le sirve ta molde, pus en frido adopta una forma más consistent y chelatinosa. A presentación gosa fer-se en rabanadas, que se quita de la masa con cuitiello, y que se fa marchar ta acompanyar o pan, a torta, bell troz de pastiello u galletas.
Denominación [editar]
A denominación tradicional aragonesa "codonyate" (aragonés meyeval codonyat, tamién en romanz navarro[1]), ha perdiu terreno en as zagueras decadas frentes a la castellana carne de membrillo u dulce de membrillo, sobre tot por o producto que se compra por cuentas d'elaborar-lo en casa y que viene etiquetau con ixas formas.
En o sieglo XX, as principals industrias productoras de codonyate comercial, que veniba en lata, se situaban en Andalucía y La Mancha, de forma que quasi invariablement o producto que se compraba en as casas aragonesas veniba etiquetau con a denominación castellana. Os pocos productors aragoneses que i ha, en municipios como Albalat de l'Arcebispe u Caspe, han habiu d'etiquetar o suyo producto con a denominación castellana ta poder-lo comercializar difuera d'Aragón.
Referencias [editar]
- ↑ Fernando Serrano Larrayoz Medicina y enfermedad en la corte de Carlos III El Noble de Navarra (1387-1425) Fondo de Publicaciones del Gobierno de Navarra, 2004 [1]
