Cirrostratus

De Biquipedia
Ir ta: navego, busca

Os Cirrostratus son un chenero de nubles que son compuestas, principalment, de cristals de chelo y que presentan a sobén l'aspecto dito como fenomeno optico d'halo. Gosan presentar-se como una especie de velos blanquencos fibrosos, a vegatas cobrindo tot o cielo u a vegatas no cubrindo-lo que en part. Son nubles altos: 6 u 12 km d'altaria.

Os Cirrostratus se comparen a atras nubles de tipo stratus que se forman en altitutz més baixas: os altostratus, os nimbostratus, y os stratus més baixos. Os Cirrostratus anuncian plevias que gosan amaneixer arredol de 12 horas dimpúés d'a suya presencia.

Denominacions tradicionals[editar | editar código]

En l'aragonés d'o Viello Sobrarbe se documenta cillo con o significau de formación de nubles que anuncia tronada.[1]. D'acuerdo con Chesús de Mostolay en o suyo diccionario de l'aragonés d'o Semontano de Balbastro uno d'os significatos de cillo ye cirroestratos, y son faixas de nubles a sol ponient que indican día nuble u de plevia o día vinient si o cillo no ye claro. Curiosament atro significato de cillo en ixe diccionario ye halo u aureola. A parabra "cillo" tamién se documenta en Torrociella d'Alcanyiz y as comarcas churras como cejo y puede anunciar nieu. Talment os "cillos" correspondan especialment a la especie nebulosus dentro d'o chenero de nubles cirroestratus. A especie nebulosus se presenta en os cheners cirrostratus y stratus y se caracteriza por tener o aspecto de velo boirenco sin presentar detalles aparents.

Galería[editar | editar código]

Referencias[editar | editar código]

  1. (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999), p 315.

Enrastes externos[editar | editar código]