Cierzo
De Biquipedia
|
|
|---|
O cierzo ye un aire cerenyo, muito fredo y xuto d'o norte orichinato en a Val de l'Ebro, a causa d'a esferencia de presión entre a Mar Cantabrica y o Mar Mediterrania, quan se fa una borrasca en iste zaguer y un anticiclón en l'anterior. A suya velocidat puet estar de 100 km/hora.
Encara que a suya aparición ye más fácil en hibierno, puet estar present en qualsiquier inte de l'anyo.
Este aire yera conoixito en o Imperio román, ye citato por Catón o Viello en o sieglo II aC con o nombre en latín de cercio y por o poeta bilbilitán Marco Valerio Marzal en o sieglo I. Tamién lo citan en o "Libro d'o Trasoro":
El otro principal que viene de transmontana da nuues e friores e aquel que les dreça enta ponyent da piedra e nueze, e ha nonbre Cierço; mas el otro que es enta leuant restrinye pluujas e nuues.
