Chueves Lardero
O Chueves Lardero u Choricet ye o día que sinyala l'inte de surtida d'as garrastolendas u carnavals.
En ista calendata, a chent gosaba salir ta lo campo a minchar y se feban corridas de bimardos por a tardi; quan lo sol yera cacho y se feba de nueit se celebraba lo baile d'esfraces. Encara huei, sobre tot en os lugars, se remera este día con brendas y entropans de lenguaniza. D'astí la mazada de «Jueves Lardero, longaniza en el puchero».
En Benás se diz Chous lardé, en Campo Chous gras. En Alcanyiz u Sant Per de Calanda se clama Choricet (prenunciato /ʧo.ri.'θer/ en os dos lugars y tamién /ʧo.ri.'θe/ en Sant Per). Pa los d'Alcanyiz ye una de las fiestas mes importants de l'anyo, pero pa Sant Per y atros lugars d'Aragón ye agora una fiesta mes y no implica deixar de treballar u d'ir ta la escuela. Amás de celebrar-se en Aragón tamien se celebra en atras partis d'a peninsula Iberica, pero sobre tot en a provincia d'Almería, Castiella-La Mancha, Catalunya, Soria y Cordoba.
