Chudicio de Riom

De Biquipedia
Ir ta: navego, busca

Se conoix con o nombre de chudicio de Riom a un chudicio de tipo politico mientres a Segunda Guerra Mundial, impulsato por os responsables d'a Francia de Vichy (encluyendo-ie o suyo prencipal dirichent, o mariscal Philippe Pétain) contra quantos politicos d'ideyolochía politica de cuchas que heban destacato en os anyos 1930 mientres a Tercera Republica Francesa, estando os prencipals acusatos Léon Blum y Édouard Daladier. O chudicio s'escomenzó o 19 de febrero de 1942 en a ciudat de Riam (Riom en francés), en o Puèi Domat, Auvernia, en territorios no ocupatos por a Wehrmacht d'o Tercer Reich, y remató o 15 d'abril de 1942. En realidat o chudicio, que nomás tentaba de mostrar a presunta responsabilidat politica d'a cucha francesa en a redota d'o Exercito francés mientres a batalla de Francia, no remató, por presions d'Adolf Hitler, en recibir os acusatos muestras de simpatía internacionals (como d'a opinión publica estatounitense). Sindembargo, en as sesions d'o chudicio os acusatos refutoron as afirmacions de l'acusación, establindo que a culpa no yera pas d'os civils, sino d'o Exercito francés, que no heba feito a suya misión d'esfender o territorio nacional.